ლონდონის "არსენალის" ყოფილმა ფეხბურთელმა იტალიური "კომოს" ახალწვეულმა, სესკ ფაბრეგასმა აღიარა, რომ სერ ალექს ფერგიუსონს გასახდელში პიცის ნაჭერი ესროლა.
2004 წელს "მანჩესტერ იუნაიტედმა" "არსენალი" 2:0 დაამარცხა, ამ წაგებით კი "მეთოფეთა" 49 მატჩიანი წაუგებელი სერია დასრულდა. გასახდელში ერთმანეთს ფერგიუსონი და არსენ ვენგერი დაუპირისპირდნენ.
"ძალიან გაბრაზებული ვიყავი, რადგან თამაშის საშუალება არ მომეცა, მატჩის შემდეგ გასახდელში სწრაფად შევედი, მშიერი ვიყავი და პიცის ნაჭერი ავიღე, როდესაც ჩხუბისა და კამათის ხმები გავიგონე. 17 წლის ვიყავი, "დიდ ბიჭებთან" ჩხუბი არ მსურდა, პიცის ნაჭერი უბრალოდ მოვისროლე, როგორც მოგვიანებით
გავიგე, ის სერ ალექს ფერგიუსონს მოხვდა" - განაცხადა ფაბრეგასმა.
მომზადებულია Daily Mail-ის მიხედვით
![ჩემპიონთა ლიგა. 1/4-ფინალი: დიდი მატჩები - "რეალმა" "სიტის", ხოლო "ბაიერნმა" "არსენალს" სძლია [VIDEO]](/pictures/image7/515b8298bc3e954e19bbd6aeee36feff.jpg "ჩემპიონთა ლიგა. 1/4-ფინალი: დიდი მატჩები - \"რეალმა\" \"სიტის\", ხოლო \"ბაიერნმა\" \"არსენალს\" სძლია [VIDEO]")
