ინგლისელ ჟურნალისტს, პირს მორგანს, სჯერა, რომ კრიშტიანო რონალდოს შეუძლია "არსენალს" პრემიერლიგის მოგებაში დაეხმაროს. შეგახსენებთ, ლონდონური კლუბი გასულ გათამაშებაში მე-2 ადგილზე გავიდა და ჩემპიონ "მანჩესტერ სიტის" 5 ქულით ჩამორჩა.
"გასულ წელს "მეთოფეების" გულშემატკივრები ჩემზე იცინოდნენ, როდესაც ვთქვი, რომ რონალდო მათთვის სეზონის ბოლომდე დიდებული შენაძენი იქნებოდა.
ახლაც იცინიან? იმ პერიოდში, როდესაც გაბრიელ ჟესუსი ტრავმის გამო გუნდს ვერ ეხმარებოდა, კრიშტიანოს ექნებოდა შესაძლებლობა, რომ შეტევით ხაზს წინ გასძღოლოდა და გამარჯვებებისთვის ებრძოლა.
აქ საუბარი არ არის მხოლოდ გატანილ გოლებზე, გამარჯვებულის მენტალიტეტზე ვსაუბრობ. თუ შენ გასახდელში
მისნაირი კალიბრის სპორტსმენს ჩასვამ, ახალგაზრდა თაობას წარმატებისკენ სვლაში გაუძღვება.
მოდი, შევხედოთ განვლილ სეზონს. არტეტამ და კაპიტანმა მარტინ ოდეგორმა ისაუბრეს, თუ როგორ ეტკინათ უპირატესობის განიავება და დიდხნიანი პაუზის შემდეგ ვერმოგებული პრემიერლიგის თასი", - განაცხადა პირს მორგანმა.
შეგახსენებთ, გასულ წელს "სიტიმ" 89 ქულა მოიპოვა, "არსენალმა" კი - 84. თუმცა, უნდა ითქვას, რომ თითქმის მთელი სეზონის განმავლობაში ლონდონელები ლიდერობდნენ.
მომზადებულია Sports-ის მიხედვით
![ჩემპიონთა ლიგა. IV ტური: "ბარსელონა" შეუჩერებელია - იტალიური გუნდების წარმატებული სვლა გრძელდება [VIDEO]](/pictures/image7/9aabdb4edc99f3cf31c03002fb06545e.jpeg "ჩემპიონთა ლიგა. IV ტური: \"ბარსელონა\" შეუჩერებელია - იტალიური გუნდების წარმატებული სვლა გრძელდება [VIDEO]")
![ჩემპიონთა ლიგა. III ტური: "რეალის" დიდებული ქამბექი და ქართველების გუნდების მორიგი წაგებები [VIDEO]](/pictures/image7/85f031dd491ca88e3b38145aab7d675a.jpeg "ჩემპიონთა ლიგა. III ტური: \"რეალის\" დიდებული ქამბექი და ქართველების გუნდების მორიგი წაგებები [VIDEO]")
