რუსული საკლუბო ფეხბურთის ამჟამინდელი ფლაგმანი და ქვეყნის ყველაზე მდიდარი კლუბი სანქტ-პეტერბურგის "ზენიტი", რომლის სპონსორი "გაზპრომია", 2025 წელს საუკუნოვან იუბილეს აღნიშნავს და უნდათ გუნდს სახელი შეუცვალონ.
"ზენიტი" ლენინგრადის მეტალურგიული ქარხნის ბაზაზე შეიქმნა, 1925-1939 წლებში იოსებ სტალინის სახელს ატარებდა - "სტალინეცი". მაშინ ამ სახელწოდების სპორტული საზოგადოებაც არსებობდა და მოსკოვში სტადიონიც და ახლა დისკუსიები მიმდინარეობს ჩრდილოეთის დედაქალაქის გუნდისთვის ძველი სახელწოდების დაბრუნების თაობაზე.
![Sportall.Ge](/pictures/artimages/original/06a2c3fc72ec6e0fe4d3daf50e2c7715.jpg "სსრკ-ს და სტალინს ვერ ელევიან - "ზენიტს" შეიძლება ისევ "სტალინეცი" დაარქვან")
არიან მომხრეები და მოწინააღმდეგეები. მაგალითად, ყოფილმა ოლიმპიურმა ჩემპიონმა, ამჟამად რუსეთის სახელმწიფო სათათბიროს დეპუტატმა სვეტლანა ჟუროვამ Legalbet-ს განუცხადა, რომ გულშემატკივრებს შეუძლიათ მსგავსი ინიციატივით გამოვიდნენ,
თავად ეს იდეა მიზანშეწონილად არ მიაჩნია და უკეთესი იქნება, თუ "სტალინეცის" სახელწოდებით პრემიერლიგაში სხვა ქალაქის გუნდი გამოჩნდება.
![alt](/pictures/image50/dad4418f424a4c39d672b7e8744b2e08.png "სსრკ-ს და სტალინს ვერ ელევიან - "ზენიტს" შეიძლება ისევ "სტალინეცი" დაარქვან")
სტალინის შვილი საუკეთესო გუნდს მართავდა - მის დაღუპვას კი 20 წელი მალავდნენ
