ლა ლიგის მე-4 ტურში "რეალმა" "ბეტისს" უმასპინძლა და კილიან მბაპეს დუბლით 2:0 დაამარცხა.
პირველი ტაიმი "ბლანკოსის" უპირატესობით წარიმართა, თუმცა კარლო ანჩელოტის გუნდმა პირველი ნახევრის მოგება ზედიზედ მესამე შეხვედრაში ვერ მოახერხა.
მეორე ტაიმში "სამეფო კლუბი" გააქტიურდა, 67-ე წუთზე ფედე ვალვერდემ ქუსლით მბაპეს ეფექტური გადაცემა გაუკეთა და ფრანგმაც "თეთრების" რიგებში ლა ლიგაში სადებიუტო გოლი გაიტანა.
73-ე წუთზე "ბეტისის" საჯარიმოში ვინისიუს ჟუნიორი წააქციეს და თერთმეტმეტრიანი დაინიშნა. ბრაზილიელმა პენალტის შესრულების უფლება მბაპეს დაუთმო და ფრანგმაც შეხვედრის საბოლოო ანგარიში დააფიქსირა.
ცნობისთვის, "რეალს" ლა ლიგაში უკვე 36-მატჩიანი დაუმარცხებელი სერია აქვს.
ამრიგად, 4 ტურის შემდეგ მადრიდის "რეალი" ლა ლიგის ცხრილში 8 ქულით მეორე ადგილს იკავებს და ჩემპიონატის ლიდერ "ბარსელონას" 4 ქულით ჩამორჩება, კარლო ანჩელოტის გაწვრთნილი გუნდი მორიგ შეხვედრას 14 სექტემბერს, სტუმრად, "სოსიედადის" წინააღმდეგ გამართავს.
"ბეტისი" 2 ქულით მე-17 ადგილზეა. "სევილიელები" 13 სექტემბერს, "ლეგანესს" უმასპინძლებენ.
10:10 02-09-2024
მბაპეს სადებიუტო გოლი ლა ლიგაში - "რეალმა" "ბეტისი" ფრანგის დუბლით დაამარცხა [VIDEO]
AutoSharing Option
მკითხველის კომენტარები / 2 /
მოწონებების მიხედვით
თარიღის მიხედვით
საზიზღრად თამაშობს რეალი. ვინმეს მოგწონთ მათი თამაში?
0
0
ორი ნაღდი პენალტი რომ არ დანიშნა მსაჯმა გაკვრით მაინც გეხსენებინათ, ვიდეოში კარგად ჩანს ორივე მომენტი.
1
0
ყველა კომენტარი
გააკეთეთ კომენტარი
გააკეთეთ გამოხმაურება
X
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.
ასევე დაგაინტერესებთ
!["რეალი" "ლას პალმასთან" მარცხს გადაურჩა [VIDEO]](/pictures/image7/51ca3d7d8bdd155e913026be30fec426.jpg "\"რეალი\" \"ლას პალმასთან\" მარცხს გადაურჩა [VIDEO]")
უძრავი ქონება
სიახლეები
პოპულარული
