ბოსნიური Sportske-ს ინფორმაციით, ცნობილი ბოსნიელი ნახევარმცველი მირალემ პიანიჩი რუსულ ცსკ-ში გადასვლასთანაა ძალიან ახლოს.34 წლის ფეხბურთელი ბოლოს არაბეთის გაერთიანებულ საემიროებში ბურთაობდა და "ალ შარჯას" ღირსებას იცავდა, საიდანაც წამოვიდა და ახლა თავისუფალი აგენტია.
ზემოთ აღნიშნული წყაროს ცნობით, ვეტერანმა შუახაზელმა მოსკოველებს ანაზღაურების სახით 2 მილიონი ევრო მოსთხოვა, რაზედაც თანხმობა მიიღო და გარიგებას წინ ვეღარაფერი უნდა დაუდგეს.
რუსული football24.ru პიანიჩს 2022 წელს თავის ნათქვამ სიტყვებს აქტიურად უხსენებს
2022 წელს რუსეთის უკრაინაში შეჭრისა და ომის დაწყების შემდეგ სანქტ-პეტერბურგში რუსეთისა და ბოსნიის ნაკრებების ამხანაგური თამაში დაიგეგმა, რაზეც წინააღმდეგ ბოსნიელთა ვარსკვლავები, მათ შორის, კაპიტანი ედინ ჯეკო და სხვა ფეხბურთელები წავიდნენ.
მათ რიგებში იყო პიანიჩიც, რომელმაც თქვა, რომ გაოგნებული დარჩა, როდესაც გაიგო, რომ შესაძლოა, რუსეთში ამხანაგური მატჩი გაემართათ და ეს ძალიან ცუდი გადაწყვეტილება იყო.
