მადრიდის "რეალის" მცველმა სერხიო რამოსმა მიუნხენის "ბაიერნთან" (4:2) ჩემპიონთა ლიგის საპასუხო მეოთხედფინალური მატჩის შემდეგ კომენტარი გააკეთა:"ფინალზე საუბარი ნაადრევია, ჯერ მხოლოდ ნახევარფინალში გავედით, მაგრამ ნათელია, რომ ლიგის მოგება გვინდა. ძალიან გახარებულები ვართ, რომ "ბაიერნი" გავაგდეთ, ერთ-ერთი ყველაზე მთავარი კონკურენტი.
100 მატჩი ჩემპიონთა ლიგაში ლამაზი ციფრია. იმედია, "რეალში" კიდევ ბევრი წელი ვითამაშებ, სანამ ფეხბურთისგან სიამოვნებას მივიღებ".
რამოსმა ასევე პიკეს რეაქციაზეც გააკეთა კომენტარი. "ბარსელონას" მცველმა ჟერარდ პიკემ "რეალის" მეოთხე გოლის შემდეგ "ტვიტერში" მრავალწერტილი დაწერა, რაც სავარაუდოდ მატჩის მსაჯობაზე მისი რეაქცია იყო.
შეგახსენებთ,
"პიკეს რეაქცია? ჯობია პსჟ-სთან მატჩს გადახედოს. შესაძლოა, ამის შემდეგ მსაჯებზე აზრი შეიცვალოს. მოდით, "ბარსელონას" საპასუხო მატჩს დაველოდოთ ტურინის "იუვენტუსთან" და ვნახოთ, რა მოხდება. ისე კი ვიდეოტექნოლოგიების წინააღმდეგი არ ვარ", - აღნიშნა რამოსმა.
- ჩემპიონთა ლიგა. 1/4-ფინალი: რონალდოს ჰეთ თრიკი და 100 გოლი ლიგაზე [VIDEO]
მომზადებულია Marca-ს მიხედვით
![მერაბ დვალიშვილმა სევილიაში სერხიო რამოსი მოინახულა - სპორტსმენებმა ერთმანეთში საჩუქრები გაცვალეს [VIDEO]](/pictures/image7/f95cd1596fbfb9e693bcfee1ab96c6a5.png "მერაბ დვალიშვილმა სევილიაში სერხიო რამოსი მოინახულა - სპორტსმენებმა ერთმანეთში საჩუქრები გაცვალეს [VIDEO]")
!["რეალი" თავის სტიქიაშია - ისევ დამაჯერებელი გამარჯვება მოიპოვა [VIDEO]](/pictures/image7/77351504eac25fcbc227734a9c5c615b.jpeg "\"რეალი\" თავის სტიქიაშია - ისევ დამაჯერებელი გამარჯვება მოიპოვა [VIDEO]")
