მიუნხენის "ბაიერნის" ჰავბეკმა არიენ რობენმა 19 თებერვალს ლონდონში "არსენალთან" გამართული ჩემპიონთა ლიგის 1/8-ფინალის პირველი მატჩის შემდეგ კომენტარი გააკეთა.შეხვედრა სტუმრებმა ანგარიშით 3:1 მოიგეს და საქმე საპასუხო თამაშის წინ, პრაქტიკულად, მოითავეს.
"სწორი მიმართულებით მივდივართ. დღეს ჩვენ ძალიან დიდი ნაბიჯი გადავდგით მეოთხედფინალისკენ, მაგრამ საპასუხო დაპირისპირება ჯერ წინ გვაქვს.
მოდუნება არაფრით უნდა დავუშვათ და თამაში მატჩიდან მატჩამდე გამუდმებით უნდა გავაუმჯობესოთ.
ვფიქრობდით, რომ გულშემატკივრებით შეგულიანებული "არსენალი" პირველივე წუთებიდან შემოგვიტევდა და ამიტომ თავიდანვე განსაკუთრებულად ყურადღებით უნდა ვყოფილიყავით.
საბედნიეროდ, ყველაფერი სწორად გავაკეთეთ. გავიტანეთ ორი სწრაფი გოლი.
ასევე იხილეთ:
არსენალი-ბაიერნი 1:3 - მიუნხენის "ბაიერნი" უკეთესია [VIDEO]
