მიუნხენის "ბაიერნის" მთავარმა მწვრთნელმა იუპ ჰაინკესმა "ბარსელონასთან" ჩემპიონთა ლიგის ნახევარფინალის პირველი მატჩის შემდეგ კომენტარი გააკეთა.23 აპრილს, "ალიანს არენაზე" გამართულ შეხვედრაში მიუნხენელებმა მეტოქეს ოთხი უპასუხო გოლი გაუტანეს, რითაც ჩემპიონთა ლიგის ფინალისკენ დიდი ნაბიჯი გადადგეს.
"ჩვენ ბრწყინვალე ფეხბურთს მთელი სეზონის განმავლობაში ვაჩვენებთ. საქმე ისაა, რომ ჩემპიონთა ლიგის წინა გათამაშებების გადამწყვეტ მატჩებში წარუმატებლობებმა გაგვახელა და ახლა გამარჯვებებზე ძალიან ვართ დაგეშილი.
გუნდი უბადლო ტაქტიკურ მომზადებას აჩვენებს და უმაღლეს დონეზე თამაშობს. ეს ეხება ფეხბურთელების ფიზიკურ შესაძლებლობებსაც, რომლებიც ძალიან ბევრს დარბიან და მუდმივად ერთვებიან ორთაბრძოლებში.
მე ძალიან კმაყოფილი ვარ შედეგით, თუმცა ეს ჯერ კიდევ არაა დასასრული.
კარგად მესმის, რომ "კამპ ნოუზე" საკმაოდ რთული თამაში გველის. ჩვენ მხოლოდ დღევანდელი წარმატებით ვხარობთ, მაგრამ მეტი არაფრით", - თქვა ჰაინკესმა.
ასევე იხილეთ:
ბაიერნი-ბარსელონა 4:0 - დიდი ნაბიჯი ფინალისკენ, ძალების დაზოგვით [VIDEO]
