ქართული კლუბების უმრავლესობა ჯერ საქართველოში ემზადება და პარალელურად, საკონტროლო შეხვედრებსაც ატარებს. თუმცა უამინდობამ რამდენიმე სპარინგი ჩაშალა. ასე მაგალითად, საგურამოში თბილისის "ლოკომოტივსა" და "ვიტ ჯორჯიას" უნდა ეთამაშათ, მაგრამ მოედანი მთლიანად თოვლით დაიფარა და მატჩი გადაიდო. "ლოკომოტივის" მთავარი მწვრთნელი გიორგი დევდარიანი იძულებული გახდა, გუნდი მხოლოდ ფიზიკურად დაეტვირთა.
უკვე თბილისშია და გუნდთან ერთად ემზადება გიორგი რეხვიაშვილი, რომელიც ვლადიმირ ვაისმა ეროვნულ ნაკრებში უზბეკეთთან და იორდანიასთან შეხვედრებისთვის გამოიძახა.
საქ
ასევე გადაიდო 29 იანვარს "სამტრედიასა" და ქობულეთის "შუქურას" შორის დაგეგმილი ამხანაგური მატჩი. მაგრამ ამ შემთხვევაში უამინდობა არაფერ შუაში იყო. წინა დღეს "შუქურამ" ქუთაისის "ტორპედოსთან" ითამაშა და ჩემპიონთან ახალწვეულებით სპარინგი სურდა, რაც სამტრედიელებისთვის მიუღებელი აღმოჩნდა.
(იბეჭდება მცირე ცვლილებით)
ყოველდღიური სპორტული გაზეთი "ლელო"
