09:57 04-02-2015
დინამო (თბ)-სპარტა 1:3 - ჰრდლიჩკას მინუსი, მანუელს პლუსი [VIDEO]
AutoSharing Option
შეგახსენებთ, რომ მანამდე თბილისის "დინამომ" ფრედ (1:1) ითამაშა ავსტრიულ "შტურმთან", უკრაინულ "ვორსკლასთან" კი 0:1 წააგო.
სამწუხაროდ, ამ ორივე მატჩში დინამოელთა მთავარმა მწვრთნელმა კახა გოგიჩაიშვილმა ოპტიმალური შემადგენლობის გამოყვანა ვერ მოახერხა: ტრავმების გამო "შტურმთან" და "ვორსკლასთან" არ უთამაშიათ გიორგი პაპუნაშვილს, ლაშა შერგელაშვილს და გიორგი ჩირგაძეს, ისევე, როგორც დინამოელთა ახალწვეულს, "ზესტაფონიდან" გადმოსულ ცენტრალურ მცველ რენე ფერეირას, რომელიც ჯერჯერობით ინდივიდუალური პროგრამით ემზადება.
3 თებერვალს ამ ოთხეულს "დინამოს" კიდევ ერთი წამყვანი ფეხბურთელი, საყრდენი ნახევარმცველი მათე ცინცაძე შეემატა, რომელმაც ასევე ინდივიდუალურად ივარჯიშა და "სპარტასთან" საკონტროლო მატჩის გამოტოვება მოუწია.
ჯერ ჩეხოსლოვაკიაში, მერე კი ჩეხეთში "სპარტას" კონკურენტი, ფაქტობრივად, არც ჰყოლია და საჩემპიონო ტიტულების რაოდენობით არც ერთ გუნდს ახლოსაც არ უშვებდა. მხოლოდ ბოლო წლებში გამოჩნდა სერიოზული მეტოქე "პლზენის" სახით და ასეთივე სიტუაციაა მიმდინარე სეზონშიც - ამ მომენტისთვის "სპარტა" 1 ქულით ჩამორჩება პირველ ადგილზე მყოფ "პლზენს".
"დინამოს" მეტოქის ამბიციურ მიზნებზე ის ფაქტიც მოწმობს, რომ ახლახან "სპარტაში" სინჯებზე მიიწვიეს 29 წლის ჰოლანდიელი ფორვარდი ოტმან ბაკალი, რომელმაც "დინამოსთან" საკონტროლო მატჩში 65-ე წუთიდან ითამაშა. ბაკალიმ "სპარტას" კიდევ ერთი ახალწვეული, 23 წლის ალბანელი ჰეროლინტ შალა შეცვალა, რომელმაც გუშინდელ მატჩში ანგარიში გახსნა.
მეორე ტაიმის დასაწყისში "დინამომ" შალას მიერ 35-ე წუთზე გატანილი გოლი გაქვითა - თავი მანუელმა გამოიჩინა. საგოლე შეტევისას საბა ლობჟანიძემ იაქტიურა, ვისგანაც ბურთი სწორედ ესპანელმა ფორვარდმა მიიღო, მცველი ჩამოიცილა და დაახლოებით საჯარიმოს ხაზიდან ზუსტად დაარტყა - 1:1.
სამწუხაროდ, ოთხ წუთში ლადისლავ კრეიცლიმ "სპარტა" კიდევ ერთხელ დააწინაურა. აღსანიშნავია, რომ ეს გოლი დინამოელთა მეკარე ლიბორ ჰრდლიჩკას უხეშ შეცდომას მოჰყვა. 82-ე წუთზე კი ბორჟეკ დოჩკალმა მატჩის საბოლოო ანგარიში დააფიქსირა.
"დინამომ" ასეთი შემადგენლობით ითამაშა: ჰრდლიჩკა - კაკაბაძე, ჭანტურია, გველესიანი (77. ტაბატაძე), თოთაძე - ბუკორაცი (46. ჯანელიძე), პარუნაშვილი - ჯიღაური (70. კიტეიშვილი), ჭანტურიშვილი, ლობჟანიძე (83. გუგა) - მანუელი (77. მიქელთაძე).
მომდევნო საკონტროლო მატჩს "დინამო" 6 თებერვალს, სლოვენიის ჩემპიონატის ლიდერ "დომჟალესთან" გამართავს.
ტიტულოვანთა ბრძოლა ჩეხების სასარგებლოდ (იბეჭდება მცირე ცვლილებით)
ყოველდღიური სპორტული გაზეთი "ლელო"
მკითხველის კომენტარები / 6 /
მოწონებების მიხედვით
თარიღის მიხედვით
მოაშორეთ ჰდრლიჩკა: არც ჩაწოლა არ იცის(1გოლი), არც ბირთოს შემაგრება (2გოლი) და არც პოზიციის შერჩევა (3გოლი)
0
0
აუუ ეგ რა მეკარე მოუყვანიათ....სამივე გოლში წვლილი მიუძღვის...პირველ შემთხვევაში შესაძლოა ვერ აეღო, მაგრამ უფრო აქტიური უნდა ყოფილიყო, დროზე გამოსულიყო და ფეხებში ჩავარდნოდა მოწინააღმდეგეს.. მეორე მის სინდისზეა, ახლო მანძილიდან კი იყო დარტყმული, მაგრამ ძალიან სუსტად და ბურთის ხელში დაფიქსირება არ უნდა გასჭირვებოდა, თანაც პირდაპირ მას მოხვდა..მესამეც მის სინდისზეა - მთლიანად ცოცხალი კედლის იმედად დატოვო ერთი კუთხე ვის გაუგია და თითქმის მეორე ძელთან დადგე ვის გაუგია.. ნორმალური პოზიცია რომ შეერჩია სუსტი დარტყმით კედელზე გადავლებული ბურთის აღება არ გაუჭირდებოდა თანაც ძალიან კუთხეშიც არ წასულა ბურთი...
0
0
ყველა კომენტარი
გააკეთეთ კომენტარი
ასევე დაგაინტერესებთ
![](/images/new_photo/rss/ipn_rss_big.jpg)
![](/images/new_photo/rss/palitra_logo.png)
უძრავი ქონება
![უძრავი ქონება](/images/new_photo/rss/116_38.jpg)
![](/images/new_photo/rss/rss_hotsale_logo.png)
სიახლეები
პოპულარული
![](/images/new_photo/rss/palitratv_sp.png)
![](/images/new_photo/allnews_new_rss.png)