თბილისის "დინამოს" ახალგაზრდა ფეხბურთელი საბა ლობჟანიძე მოედანს დაუბრუნდა და, როგორც თავად გვითხრა, ვარჯიშს სრული დატვირთვით შეუდგა. ლობჟანიძე 18 თებერვალს, გორის "დილასთან" პირველ სათასო მატჩში დაშავდა. ის სტუმართა შორის ერთ-ერთი ყველაზე აქტიური და გამორჩეული იყო, მაგრამ 36-ე წუთზე კუნთი გაეჭიმა და მინდვრის დატოვება მოუწია.
სამწუხაროდ, ისევ მკურნალობს გიორგი პაპუნაშვილი. ახლა, როცა "დინამოს" საჩემპიონო ბრძოლაში მძაფრი კონკურენცია აქვს, ორივე მათგანი გუნდს ძალიან სჭირდება. მეორეცაა - პაპუნაშვილით "ქასიმფაშას" თავკაცი შოთა არველაძეა დაინტერესებული, რითიც ახალგაზრდა დინამოელს გაცილებით ძლიერ ლიგაში თამაშისა და ზრდის პერსპექტივა უჩნდება.
ამ შეხვედრაში "სიონიც" დაზარალდა. მასპინძლებმა გიორგი ჭანკოტაძის წინააღმდეგ უხეშად ითამაშეს, რის გამოც ბოლნისელთა ნახევარმცველმა თამაშის გაგრძელება ვეღარ შეძლო.
(იბეჭდება მცირე ცვლილებით)
ყოველდღიური სპორტული გაზეთი "ლელო"
![ეროვნული ლიგა. XXXIII ტური. "დილა" - "დინამო" (თბ) [LIVE]](/pictures/image7/51a7cde92f25b61aecd677fa1560027b.png "ეროვნული ლიგა. XXXIII ტური. \"დილა\" - \"დინამო\" (თბ) [LIVE]")
![კვლავ ფორმაშია! - შოთა არველაძემ მადრიდის "რეალს" გაუტანა [VIDEO]](/pictures/image7/2d1f3aeb1efc7b85ecbdcc72c2873bff.png "კვლავ ფორმაშია! - შოთა არველაძემ მადრიდის \"რეალს\" გაუტანა [VIDEO]")
![ლობჟანიძის გუნდის უდიდესი სენსაცია - "ატლანტამ" ლიონელ მესის მაიამის "ინტერი" პლეი-ოფიდან გამოთიშა [VIDEO]](/pictures/image7/a581ca8bbae97f197cb41508a299498a.jpg "ლობჟანიძის გუნდის უდიდესი სენსაცია - \"ატლანტამ\" ლიონელ მესის მაიამის \"ინტერი\" პლეი-ოფიდან გამოთიშა [VIDEO]")
