ფოტოზე: სკ "საბურთალო"23 აპრილს, ქუთაისის "ტორპედოს" საწვრთნელ ბაზაზე წყალტუბოს "სამგურალმა" პირველი ლიგის A ჯგუფის ლიდერ "საბურთალოს" უმასპინძლა. გია ჭიაბრიშვილის გაწვრთნილებმა 1:0 მოიგეს და გათამაშების დასრულებამდე 6 ტურით ადრე უმაღლესი ლიგის საგზური გაინაღდეს.
პირველად კი, უმაღლესი ლიგის საგზური B ჯგუფის ლიდერმა თერჯოლის "საპოვნელამ" ხობში, ადგილობრივი "კოლხეთის" დამარცხებით მოიპოვა.
"საბურთალოს" პრეზიდენტი ტარიელ ხეჩიკაშვილი წარმატებით გახარებულია:
"საქართველოს უმაღლეს ლიგაში პირველად გადავიდა გუნდი, სადაც მოთამაშეთა 99 პროცენტი მისივე გაზრდილია. თანაც, ეს ბავშვები 17-18 წლისანი არიან და ელიტლიგიდან ერთად მოდიან.
ეს წარმატება ყველას გვახარებს.
რაც მთავარია, ამ გამარჯვებას ქართლოს ჭუმბურიძის ხსოვნას ვუძღვნით, რომელმაც "საბურთალოს" ისტორია იოსებიძის ქუჩაზე მდებარე პატარა მინი-ფეხბურთის სტადიონიდან დაიწყო და აგერ, ახლა უკვე უმაღლესში ვართ.
![Sportall.Ge](/pictures/artimages/image16/95066d801cdafb9f197e75dbe6544bf0.jpg "უმაღლეს ლიგაში "საბურთალო" და "საპოვნელა" ითამაშებენ")
ისევე მოხდა, როგორც ჩემს შემთხვევაში - საავტომობილო ბიზნესი ძველი "03"-ით დავიწყე და დღეს მსოფლიო ბრენდების წარმომადგენელი ვარ.მე მგონია, რომ სასწაული ჩვენს ცხოვრებაშიც ხდება", - ამბობს "საბურთალოს" პრეზიდენტი, რომელიც ამავე დროს ჰოლდინგ "იბერია ბიზნეს ჯგუფის" დამფუძნებელიცაა.
ის დარწმუნებულია, რომ "საბურთალოს" დიდი მომავალი აქვს, ოღონდ განვითარება სჭირდება:
"იმედია, ეს "საბურთალოს" ბოლო წარმატება არ იქნება. ამ ბიჭებს წინსვლა და განვითარება სჭირდებათ, რადგან ისინი არიან ქართული ფეხბურთის მომავალი.
თუ იქნება სახელმწიფოს მხარდაჭერა, ფეხბურთის ფედერაციიდან კი - შესაბამისი ზომები, ეს ერთჯერადი პრეცედენტი არ იქნება და მსგავს პროექტს სხვებიც არანაკლები წარმატებით განახორციელებენ.
ვიცით, რომ ბევრი გულშემატკივარი გვყავს საზოგადოებაში და მადლობა ყველას, ვინც ჩვენი წარმატება გაიზიარა - გულშემატკივარი იქნება ის, სპორტის სამინისტროს თანამშრომელი თუ ფეხბურთის ფედერაციის".
(იბეჭდება მცირე ცვლილებით)
ყოველდღიური სპორტული გაზეთი "ლელო"
![საქართველოს თასის ფინალური მატჩის შემდეგ, გულშემატკივრებმა სტიუარდებს ფიზიკური შეურაცხყოფა მიაყენეს [VIDEO]](/pictures/image7/f0934612d6018858b98dd76342cf9900.png "საქართველოს თასის ფინალური მატჩის შემდეგ, გულშემატკივრებმა სტიუარდებს ფიზიკური შეურაცხყოფა მიაყენეს [VIDEO]")
![დრამატული ფინალი შეხლა-შემოხლითა და კომპენსირებულ დროში გატანილი გოლით - "საბურთალომ" თასი მოიპოვა [VIDEO]](/pictures/image7/e7cd1ebf6d55c8444c189b08bc806cb2.png "დრამატული ფინალი შეხლა-შემოხლითა და კომპენსირებულ დროში გატანილი გოლით - \"საბურთალომ\" თასი მოიპოვა [VIDEO]")
![საქართველოს თასის ფინალი. "საბურთალო" - "დინამო" (ბთ) [LIVE]](/pictures/image7/bdcde5368c31850f5b494685ea386a73.jpg "საქართველოს თასის ფინალი. \"საბურთალო\" - \"დინამო\" (ბთ) [LIVE]")
