ფოტოზე: მიხეილ ხუციშვილი და რომან ფიფიათბილისის "დინამოს" დირექტორი მიხეილ ხუციშვილი "ლელოს" სამომავლო გეგმებზე ესაუბრა. "დინამო" სულ მალე თურქულ შეკრებაზე გაემგზავრება, სადაც რამდენიმე საკონტროლო მატჩს გამართავს. გარდა ამისა, საინტერესოა, რა ცვლილებები მოხდება გუნდში...
- როდის დაიწყებს "დინამო" მზადებას ახალი სეზონისათვის?
- 9 იანვარს შევიკრიბებით და ფეხბურთელები სამედიცინო შემოწმებას გაივლიან. 30 იანვარს კი თურქულ შეკრებაზე წავალთ. მეტოქეთა ვინაობა ჯერაც დგინდება და არ მინდა, ვიჩქარო. მოლაპარაკება რამდენიმე კლუბთან მიმდინარეობს. ერთ
- როდის გაცხადდება "დინამოს" ახალწვეულთა ვინაობა?
- მას შემდეგ, რაც გაიცხრილება უამრავი კანდიდატურა და არჩევანს გააკეთებს მთავარი მწვრთნელი. ძალიან ბევრი შემოთავაზება გვაქვს, ყველა კანდიდატურას განხილვა სჭირდება. როგორც გითხარით, საბოლოო ვერდიქტს მთავარი მწვრთნელი გამოიტანს.
- "დინამო", ალბათ, მოახერხებს ძირითადი ბირთვის შენარჩუნებას...
- რა თქმა უნდა! შემიძლია გითხრათ, რომ არცერთ ფეხბურთელს არ გამოუთქვამს გუნდიდან წასვლის სურვილი. 9 იანვარს რომ შევიკრიბებით, უფრო მეტი გვეცოდინება წამსვლელ-დამრჩენებზე.
- ლეგიონერები რჩებიან "დინამოში"?
- კი, ლიბორ ჰრდლიჩკა და რენე ფერეირა თბილისის "დინამოში" რჩებიან. შემიძლია ვთქვა, რომ ეს საკითხი გადაწყვეტილია.
- საინტერესოა, "დინამოს" პოტენციურ ახალწვეულთა შორის გამოცდილი, მაღალ დონეზე ნათამაშები ფეხბურთელები თუ იქნებიან?
- აქცენტს სწორედ გამოცდილ, ბევრის მნახველ კადრებზე გავაკეთებთ. ვერ ვიტყვი, რომ პირველი ხარისხის ვარსკვლავები იქნებიან, მაგრამ მაღალი დონის ფეხბურთელებს ვგულისხმობ - ისეთებს, რომლებიც საქართველოს ჩემპიონატსა და ევროთასებზე წარმატებით ასპარეზობაში დაეხმარებიან გუნდს. გამოცდილება გუნდს ძალიან სჭირდება. თუნდაც ალექსანდრე იაშვილის მაგალითი ცხადყოფს ამას.
- აქცენტი ქართველ ფეხბურთელებზე გაკეთდება თუ უცხოელებზე?
- როგორც ქართველ, ისე უცხოელ ფეხბურთელებზე.
- ამბობენ, "დინამოს" მოჰამედ ბანგურას კანდიდატურა შესთავაზესო. მას ადრე "სელტიკში" უთამაშია...
- უკვე გითხარით, რომ ძალიან ბევრი კანდიდატურა შემოგვთავაზეს. არჩევანს გააკეთებს მწვრთნელი, იმ პოზიციების მიხედვით, რომელთა გაძლიერებაც აუცილებელია.
რაც შეეხება კონკრეტულად ბანგურას, პირადად მე არაფერი ვიცი ამ კანდიდატურის თაობაზე...
(იბეჭდება მცირე ცვლილებით)
ყოველდღიური სპორტული გაზეთი "ლელო"
!["ტორპედომ" თბილისის "დინამოს" სძლია და სუპერთასს დაეუფლა [VIDEO]](/pictures/image7/4a3762deb8e0d566726d59c56ec04236.jpg "\"ტორპედომ\" თბილისის \"დინამოს\" სძლია და სუპერთასს დაეუფლა [VIDEO]")
!["ვფიქრობ, ჩემზე არჩევანი ამიტომ გააკეთეს... ეს სტილი ამ გუნდს ძალიან მოუხდება" - "დინამოს" მწვრთნელის პირველი კომენტარი თბილისში ჩამოსვლის შემდეგ [VIDEO]](/pictures/image7/ef903668d8f8b3e762d3037ab20f6dcc.jpg "\"ვფიქრობ, ჩემზე არჩევანი ამიტომ გააკეთეს... ეს სტილი ამ გუნდს ძალიან მოუხდება\" - \"დინამოს\" მწვრთნელის პირველი კომენტარი თბილისში ჩამოსვლის შემდეგ [VIDEO]")
ამ კაც ვინმე შეახსენეთ, რომ მას ჯერ არ მოუგია ჩემპიონთა ლიგა.
რომან ფიფიას ჯერ–ჯერობით არაფერი გაუკეთებია თბილისის დინამოსთვის და რაღაც კაპიკების ინვესტიციებს რომ დებს კლუბში ეგ არაფერს ნიშნავს.
მეც თანახმა ვარ, რომ რომან ფიფიამ გადასცეს კლუბი ბიძინა ივანიშვილს.
ბოლო ბოლო დრია რომ თბილისის დინამომ წარმატება გვანახოს, თორემ უკვე დავიღალეთ რომან ფიფიას უმოქმედობით და რომან ფიფიას მხრიდა კლუბში მხოლოდ რაღაც კომიკური კაპიკებით დაფინანსებით.
თბილისის დინამოს კლუბი უნდა გამოისყიდოს თბილისის მერიის მუნიციპალიტეტმა ამჟამინდელი მფლობელისგან რომან ფიფიასგან და შემდეგ თვითონ ქალაქის მერიამ უნდა ჩადოს კლუბის ყოველწლიურ ბიუჯეტში უფრო მეტი ინვესტიციები, ვიდრე ამჟამინედლი მფლობელი რომან ფიფია ანხორციელებს კლუბის ბიჯეტში ინვესტიციებს.