გორის "დილა" ევროპალიგისთვის ემზადება. მოგეხსენებათ, გორელებმა საკონტროლო შეხვედრები უკვე დაგეგმეს, მათ შორის, საერთაშორისოც - სომხურ "შირაქთან" და აზერბაიჯანულ "გაბალასთან".რა თქმა უნდა, ეს საშური საქმეა, მაგრამ კიდევ უფრო მნიშვნელოვანია ის, რომ გუნდი კარს მომდგარ ევროთასებს მზადყოფნაში შეხვდეს. საამისოდ კი უჩა სოსიაშვილს შემადგენლობის ძირითადი ბირთვის შენარჩუნება სჭირდება...
დუეტის ფასი
რა თქმა უნდა, ევროსტარტამდე "დილას" რამდენიმე ფეხბურთელი დატოვებს. მათ შორის, არ არის გამორიცხული, ლეგიონერებიც იყვნენ. განსაკუთრებით მნიშვნელოვანი გორელთათვის ის იქნება, შეძლებენ თუ არა ორი ლიდერის, ოთარ მარცვალაძისა და გუგა ფალავანდიშვილის შენარჩუნებას.როგორც შევიტყვეთ,
არანაკლებ მნიშვნელოვანია 31 წლის ფორვარდის, გუნდის საუკეთესო ბომბარდირის, ოთარ მარცვალაძის შენარჩუნება. როგორც გავიგეთ, მარცვალაძის გადაბირება ერთ-ერთ უცხოურ კლუბს სურს.
გვითხრეს, რომ მარცვალაძეცა და ფალავანდიშვილიც "დილაში" სიტუაციის გარკვევას ელიან და გადაწყვეტილებას მხოლოდ ამის შემდეგ მიიღებენ. ფაქტია - თუ გორულ კლუბში ვითარება არ გამოსწორდა, გუნდს წამყვანი ფეხბურთელების შენარჩუნება ძალიან გაუჭირდება.
ამ დროისთვის, "დილა" მხოლოდ ერთმა ფეხბურთელმა დატოვა. ეს გახლავთ გიორგი ჩელებაძე, ვინც ჯერჯერობით ქობულეთის "შუქურაში" ვარჯიშობს.
შიდა ბაზარი და სპონსორის იმედი
"ლელომ" შეიტყო, რომ გვირაბის ბოლოს შუქი კი ჩანს, ოღონდ რამდენად იქნება ეს საკმარისი იმისთვის, რომ "დილამ" წარმატებით ითამაშოს ევროთასებზე, ჯერ რთული სათქმელია. საქმე ისაა, რომ "დილას" ხელმძღვანელობა პოტენციურ სპონსორს ელაპარაკება და ვნახოთ, როგორ დასრულდება ეს პროცესი.ევროპალიგამდე "დილა" რამდენიმე ფეხბურთელსაც დაიმატებს. გორელები, დიდი ალბათობით, "შიდა ბაზარზე" გავლენ და აქცენტს ქართველ ფეხბურთელებზე გააკეთებენ.
ამბობენ, "დილას" ქუთაისის "ტორპედოს" მცველ გიორგი ქიმაძის გადაბირებაც სურდაო. ამ ინფორმაციის გადამოწმება ვერ მოხერხდა. ფაქტი ისაა, რომ ქიმაძე კვლავ ქუთაისის "ტორპედოში" ითამაშებს.
(იბეჭდება მცირე ცვლილებით)
ყოველდღიური სპორტული გაზეთი "ლელო"
!["სანამ კინი "ტორპედოს" მწვრთნელია, "ჯუნგლები" ტრიბუნას ვტოვებთ" - "ტორპედოს" ფანების განცხადება [PHOTO]](/pictures/image7/bb30fbdcce74fb9d4782eb2bd171d15d.png "\"სანამ კინი \"ტორპედოს\" მწვრთნელია, \"ჯუნგლები\" ტრიბუნას ვტოვებთ\" - \"ტორპედოს\" ფანების განცხადება [PHOTO]")
რაც შეეხება "დილას" ის უკვე ერთგვარი ბრენდია, და ყველა აუცილებლად უნდა ჩაერთოს, რომ ამ კლუბს მალე გამოუჩნდეს კერძო, ძლიერი, ენთუზიაზისტი მეპატრონე და ყურადღება მიექცეს სანამ დროა და სანამ განადგურდა რაც გაკეთებულია ისიც. კლუბი გაძლიერებაზე უნდა ფიქრობდეს ახლა და არა იმაზე როდის დატოვებენ ლიდერები. "დინამომ" მიხედოს თავის ლეგიონერებს, გუგას თავი დაანებოს