კვიპროსის პირველი დივიზიონის ბინადარ ახნასის "ეთნიკოსში" ამჟამად ნიკა კაჭარავა, გია გრიგალავა და გიორგი ილურიძე თამაშობენ. კაჭარავას მიმართ, ვინც ბოლო დროს გუნდის ლიდერად და მთავარმეგოლედ ჩამოყალიბდა, კვიპროსულ გრანდებს აქვთ ინტერესი და, შესაძლოა, ზამთარში დატოვოს კიდეც გუნდი. ამის მიუხედავად, ახნასის გუნდში ქართველების რაოდენობა შეიძლება გაიზარდოს. ჩვენი ინფორმაციით, "ეთნიკოსი" ორი ჩვენებური ფეხბურთელის გადაბირებითაა დაინტერესებული - ლაპარაკია გუგა ფალავანდიშვილსა და თენგიზ წიქარიძეზე.
ფალავანდიშვილი 23 წლისაა. მისი საფეხბურთო კარიერა "გაგრაში" დაიწყო. ამის შემდეგ ითამაშა თბილისის "დინამოს" დუბლებში, რასაც მოჰყვა გადასვლა გორის "დილაში", სადაც ის გუნდის
ფალავანდიშვილმა საქართველოს ეროვნული ნაკრების შემადგენლობაშიც ითამაშა, როცა კახა ცხადაძის მწვრთნელობისას, თავის გამოჩენის შანსი გიბრალტართან საკვალიფიკაციო შეხვედრაში მიეცა.
რაც შეეხება წიქარიძეს, ამ 20 წლის ფეხბურთელს თითქმის მთელი კარიერა გორის "დილაში" აქვს გატარებული. ცოტა ხნის განმავლობაში, ის ქობულეთის "შუქურაში" იყო განათხოვრებული.
(იბეჭდება მცირე ცვლილებით)
ყოველდღიური სპორტული გაზეთი "ლელო"
