ფოტოზე: საქართველოს და რუსეთის მორაგბეთა ნაკრებების შეხვედრა. 2011 წლის 19 მარტისაქართველოს და რუსეთის საფეხბურთო ეროვნული ნაკრებები უარს არ იტყვიან ერთმანეთში მატჩების ჩატარებაზე, თუკი ისინი ევროპის 2016 წლის ჩემპიონატის საკვალიფიკაციო ეტაპის წილისყრის შედეგად ერთ ჯგუფში მოხვდებიან.
ამის შესახებ უეფას პრეზიდენტმა მიშელ პლატინიმ განაცხადა.
შეგახსენებთ, რომ უეფამ საქართველოსა და რუსეთის საფეხბურთო ნაკრებების სხვადასხვა შესარჩევ ჯგუფებში განაწილების გადაწყვეტილება, 2008 წლის 8 აგვისტოს ომის შემდეგ მიიღო.
პარასკევს, 24 იანვარს, გამოქვეყნდა "ევრო 2016"-ის საკვალიფიკაციო ეტაპის წილისყრისთვის კალათების შემადგენლობები.
იხილეთ: "ევრო 2016"-ის წილისყრისთვის საქართველო მე-5
თავდაპირველად უეფას საიტზე გაცხადდა აღმასკომის გადაწყვეტილება, რომლის თანახმად, პოლიტიკური მიზეზებიდან გამომდინარე, ერთმანეთში თამაში არ მოუწევდათ აზერბაიჯანსა და სომხეთს, რუსეთსა და საქართველოს და ასევე, ესპანეთსა და გიბრალტარს.
"ჩვენ მივიღეთ წერილები რუსეთის საფეხბურთო კავშირისა და საქართველოს ფეხბურთის ფედერაციისგან, - განაცხადა პლატინიმ. - კი ბატონო, იყო გარკვეული ეჭვები, მაგრამ ამ ქვეყნებმა დაგვარწმუნეს, რომ მზად არიან ერთმანეთში ითამაშონ".
ევროპის 2016 წლის ჩემპონატის შესარჩევი ტურნირის წილისყრა 23 თებერვალს, ნიცაში გაიმართება.
შეგახსენებთ, რომ ერთმანეთში შეხვედრებს მართავენ საქართველოს და რუსეთის მორაგბეთა ნაკრებები.
