14 აპრილს პორტუგალიურ გაზეთ “რეკორდში" გაჩნდა ინფორმაცია, რომლის თანახმად, "ჟილ ვისენტეს" ქართველ ნახევარმცველ ავთო ებრალიძით ერთბაშად სამი კლუბია დაინტერესებული.წყაროს ინფორმაციით, სამიდან ორი პორტუგალიურია და ორივე პრიმეირა ლიგის კლუბი- "ბოავიშტა" და "პაკოშ ფერეირა", მესამე კი კვიპროსული "ლიმასოლია".
Sportall.ge ებრალიძეს პორტუგალიაში დაუკავშირდა და აღნიშნული ინფორმაცია მასთან გადაამოწმა.
"კი, ამ ეტაპზე კონკრეტული ვარიანტები ესენია, მაგრამ ინტერესი სხვა კლუბებიდანაცაა. პორტუგალიური კლუბების ხელმძღვანელები ჩემს აგენტს დაუკავშირდნენ, კვიპროსიდან კი მე დამირეკეს.
პირადად მე ცენტრალურ ევროპაში მსურს დარჩენა. გადაწყვეტილების მიღებას ჯერ არ ვჩქარობ და არც ვღელავ
შეგახსენებთ, რომ 25 წლის ნახევარმცველს კონტრაქტი მოქმედ კლუბთან თვენახევარში ეწურება და მისი თქმით, გადაწყვეტილი ამბავია, რომ კლუბს შეიცვლის.
- "საქართველოს ნაკრებში მაშინ დავბრუნდები, როცა "ჟილ ვისენტეზე" უკეთეს კლუბში ვიქნები"
![ებრალიძემ კვიპროსში ულამაზესი გოლი გაიტანა [VIDEO]](/pictures/image7/4b0f3cc499e52e54a946b8de3e6c819d.jpg "ებრალიძემ კვიპროსში ულამაზესი გოლი გაიტანა [VIDEO]")
