2 მაისს, რუსეთის თასის ფინალური შეხვედრა გაიმართა. საბა კვირკველიას მოსკოვის "ლოკომოტივი" ჯიმი ტაბიძისა და გიორგი ჭანტურიას "ურალს" დაუპირისპირდა და მეტოქე ანგარიშით 2:0 დაამარცხა.კვირკველია მოსკოველთა ძირითად შემადგენლობაში იყო და შეუცვლელად ითამაშა. "ურალის" შემადგენლობაში შეუცვლელად ითამაშა ჯიმი ტაბიძემაც, გიორგი ჭანტურიას კი ტრავმის გამო არ უთამაშია.
ამგვარად, საბა კვირკველიამ მოსკოვის "ლოკომოტივში" თავის პირველივე სეზონში ტიტული მოიპოვა. შეგახსენებთ, რომ ქართველი მცველი "ლოკომოტივში" იჯარის წესით ზამთრის სატრანსფერო ფანჯრის პერიოდში გადავიდა, მოსკოვურ კლუბს კი მისი გამოსყიდვა სურს.
![გაგნიძემ მოსკოვის "ლოკომოტივს" ურთულესი პოზიციიდან გაუტანა [VIDEO]](/pictures/image7/f75b8452e5f15d869da866abe337447b.jpg "გაგნიძემ მოსკოვის \"ლოკომოტივს\" ურთულესი პოზიციიდან გაუტანა [VIDEO]")
