უკრაინის ახალგაზრდული ჩემპიონატის მორიგ ტურში დუბლი გაიფორმა დონეცკის "შახტარის" ქართველმა შემტევმა გიორგი არაბიძემ. "შახტარმა" "ოლიმპიკს" უმასპინძლა და გამანადგურებელი ანგარიშით დაამარცხა - 4:0.არაბიძე დონეცკელთა ძირითად შემადგენლობაში იყო და შეუცვლელად ითამაშა. კლუბის ოფიციალური საიტის ცნობით, ქართველი ფეხბურთელი მოედანზე ერთ-ერთი საუკეთესო იყო.
მე-14 წუთზე არაბიძემ საჯარიმო დარტყმა შეასრულა, რომელიც, მართალია, მეტოქე გუნდის მეკარემ აუღო, მაგრამ დამატებაზე ყველას რომან იალოვლენკომ დაასწრო და ანგარიში გახსნა. მეორე გოლი უკვე თავად არაბიძის ანგარიშზეა - 59-ე წუთზე მან პენალტი პანენკას სტილში გაიტანა, მანამდე კი კიდევ ერთი საჯარიმო
მატჩის მიწურულს, 93-ე წუთზე არაბიძემ ჯარიმა მაინც გაიტანა. მის ანგარიშზე უკვე 14 გოლია და ის ჩემპიონატის საუკეთესო ბომბარდირია.
![არაბიძის ბრწყინვალე მატჩი - ქართველმა შემტევმა სამხრეთ კორეის ჩემპიონატში დუბლი შეასრულა [VIDEO]](/pictures/image7/f9eac084cd5410eb8cae8f345983facd.jpg "არაბიძის ბრწყინვალე მატჩი - ქართველმა შემტევმა სამხრეთ კორეის ჩემპიონატში დუბლი შეასრულა [VIDEO]")
