ვლადიკავკაზის "ალანიას" რიგები, რომელიც ამჟამად თურქეთში შეკრებაზე იმყოფება, ქართველმა თავდამსხმელმა მამუკა ღონღაძემ დატოვა. ამის შესახებ ინფორმაცია კლუბის ოფიციალურმა ვებგვერდმა გაავრცელა.აქვე გეტყვით, რომ 23 იანვარს "ალანია" მეორე საკონტოლო მატჩში "სალიუტს" დაუპირისპირდა და ანგარიშით 0:2 დამარცხდა.
შეგახსენებთ, რომ "ალანიაში" ასევე ორი ქართველი ფეხბურთელი - გიორგი ჭანტურია და მამუკა კობახიძე - იმყოფება.
"კრილიაში" კი უკვე გამართა პირველი ვარჯიში საქართველოს ნაკრების მცველმა ალექსანდრე ამისულაშვილმა.
