საქართველოს ეროვნული ნაკრების 32 წლის მცველი ალეკო ამისულაშვილი აზერბაიჯანის ჩემპიონატის მორიგი ტურის სიმბოლურ ნაკრებში მოხვდა. მისმა "ინტერმა" შინ 2:0 მოუგო აზალ-ს. ამისულაშვილი კახა ცხადაძის გუნდს გერმანიის ნაკრებთან თბილისურ მატჩში მიღებული ტრავმის შემდეგ დაუბრუნდა. აზალ-თან მატჩში მან შეუცვლელად ითამაშა.
ასევე 90 წუთი გაატარა მინდორზე ლაშა სალუქვაძემ, ბაჩანა ცხადაძე კი შეცვალეს. სიმბოლური ნაკრები "აზერიფუტბოლმა" შეადგინა.
(იბეჭდება მცირე ცვლილებით)
ყოველდღიური სპორტული გაზეთი "ლელო"
