8 მაისს, რუსეთის პრემიერლიგის 27-ე ტური ორი მატჩით გაიხსნა. ჩვენთვის საინტერესო დაპირისპირება ყაზანში შედგა, სადაც საბა კვირკველიასა და მამუკა კობახიძის "რუბინმა" კრასნოდარის "ყუბანს" უმასპინძლა და მეტოქე მინიმალური ანგარიშით დაამარცხა - 1:0.მატჩი სრულად ჩაატარა კვირკველიამ, რომელიც 24ე წუთზე გააფრთხილეს. სათადარიგოთა შორის მყოფ კობახიძეს თამაშის საშუალება არ მისცემია. შეხვედრის ერთადერთი გოლი მაგომედ ოძოევმა 71-ე წუთზე გაიტანა.
"რუბინს" 47 ქულა აქვს და სატურნირო ცხრილში მე-5 ადგილზეა. ამდენივე ქულა და მატჩით ნაკლები აქვს ჩატარებული მეოთხეზე მყოფ მოსკოვის "დინამოს".
