გორის "დილა" ჩემპიონთა ლიგის საკვალიფიკაციო ეტაპზე უცხოეთში მოთამაშე ქართველებით გაძლიერებას გეგმავს. ლაპარაკი იყო ოთარ მარცვალაძის, გიორგი ნავალოვსკის, ალეკო ამისულაშვილის დამატებაზე, პლუს ამას, "ზესტაფონიდან" დაიბრუნეს გიორგი ილურიძე.ახალწვეულთა რიგებში მოიაზრებოდა საქართველოს ეროვნული ნაკრების მეკარე ნუკრი რევიშვილიც, რომელიც ბოლოს რუსეთის პირველი ლიგის ბინადარ "ტოსნოში" თამაშობდა.
გორელთა მთავარი მწვრთნელი უჩა სოსიაშვილი ამბობდა, რომ ამისულაშვილი, ნავალოვსკი და რევიშვილი გუნდს 22 ივნისს უნდა შეერთებოდნენ.
მაგრამ შევიტყვეთ, რომ რევიშვილი მოლდოვაში გაემგზავრა, სადაც კონტრაქტის გაფორმება ამ ქვეყნის ყველაზე ტიტულოვნმა კლუბმა - ტირასპოლის "შერიფმა" შესთავაზა. მართალია, 28 წლის
შეგახსენებთ, რომ მანამდე "დილა" დატოვა მეკარე ომარ მიგინეიშვილმა, რომელიც საქართველოს ნაკრების კანდიდატია.
ამგვარად, ჩემპიონთა ლიგის საკვალიფიკაციო ეტაპზე ბელგრადის "პარტიზანთან" დაპირისპირებამდე გორელებს მხოლოდ ერთი გამოცდილი კიპერი ჰყავთ - გუნდში ახლახან მისული მიხეილ მუჯრიშვილი ("სამტრედიიდან").
შეგახსენებთ, რომ სეზონის დასრულებისთანავე "დილა" ნახევარმცველმა ნიკა კვეკვესკირმა დატოვა, რომელიც კარიერას აზერბაიჯანში, ბაქოს "ინტერში" გააგრძელებს.
(იბეჭდება მცირე ცვლილებით)
ყოველდღიური სპორტული გაზეთი "ლელო"
