პოლონურმა "იაგელონიამ" ორი ქართველი შეიმატა. ამ გუნდის ღირსებას საქართველოს 17-წლამდელთა ნაკრების ორი ფეხბურთელი დაიცავს - მეკარე ლუკა გუგეშაშვილი და ცენტრალური მცველი, ნაკრების კაპიტანი - ლუკა ასათიანი. ლუკა გუგეშაშვილს ინტერვიუ ვთხოვეთ:
- ლუკა, გილოცავთ ახალ გუნდში გადასვლას!..
- დიდი მადლობა. ყველანაირად ვეცდები, კლუბის ხელმძღვანელობისა და ქართველი თუ პოლონელი გულშემატკივრების ნდობა გავამართლო.
- კონტრაქტი უკვე გააფორმეთ?
- დიახ, "იაგელონიასთან" 3-წლიანი ხელშეკრულება გავაფორმე.
- დუბლებში ითამაშებთ თუ ძირითად გუნდში?
- თავიდან მეორე მეკარე უნდა ვყოფილიყავი,
- რა სიტუაცია დაგხვდათ ადგილზე? როგორი გუნდია "იაგელონია"?
- ძალიან კარგი, იქ სუფთა ევროპული გარემოა. ბაზა, სტადიონი, პირობები... ყველაფერი შესანიშნავია. ყველანაირი პირობაა პროგრესისთვის.
- კლუბის ხელმძღვანელობას თუ ესაუბრეთ?
- კი, ვისაუბრეთ. მთავარი მწვრთნელი ძალიან დადებითადაა განწყობილი.
- პოლონეთში როდის მიდიხართ?
- 10 იანვარს.
- საქართველოს 17-წლამდელთა ნაკრებს მინსკის საერთაშორისო ტურნირზე ვერ დაეხმარებით?
- სამწუხაროდ, ვერა.
(იბეჭდება მცირე ცვლილებით)
ყოველდღიური სპორტული გაზეთი "ლელო"
![17 სეივი "პანათინაიკოსთან" - გუგეშაშვილის ბრწყინვალე მატჩი [VIDEO]](/pictures/image7/2a8d99ec60f4a17f802418e5a59e1ffd.jpg "17 სეივი \"პანათინაიკოსთან\" - გუგეშაშვილის ბრწყინვალე მატჩი [VIDEO]")
-ასე მგონია არ ვიცით რა არის მისალოცი და რა არა! საცოდავი ჩვენი თავი, ნიჭიერ შვილებს ვკარგავთ და გვიხარია!