როგორც რუსული Sportbox.ru იტყობინება, ყაზანის "რუბინის" მცველმა მამუკა კობახიძემ კარიერა, შესაძლოა, "ნეფტეხიმიკში" გააგრძელოს.წყაროს ინფორმაციით, რამდენიმე ფეხბურთელთან ერთად, ქართველი მცველი ამ კლუბში ვარჯიშობს, თუმცა დაიტოვებს თუ არა ხელმძღვანელობა მას, უახლოეს დღეებში გადაწყდება.
აქვე გეტყვით, რომ "ნეფტეხიმიკი", რომელიც რუსეთის ჩემპიონატის მეორე დივიზიონში თამაშობდა, წელს პირველ დივიზიონში იასპარეზებს. თავის დროზე, ამ კლუბის ღირსებას გიორგი ჯანელიძე და საბა კვირკველია იცავდნენ.
