ევროპის ჩემპიონატი დასრულდა და უეფამ თავის ვებგვერდზე გამოაქვეყნა უეფას ევროპული ტურნირების ყველაზე ახალგაზრდა გოლის ავტორების სია.ევროპის ჩემპიონატების (საკვალიფიკაციოს ჩათვლით) ყველაზე ახალგაზრდა გოლის ავტორი გარეთ ბეილია. უელსელი 17 წლისა და 83 დღის იყო, როცა სლოვაკეთის ნაკრებს გაუტანა. ეს 2006 წელს მოხდა, თუმცა უელსი იმ შეხვედრაში 1:5 განადგურდა.
ერთი წლის შემდეგ ბეილის რეკორდის მოხსნამდე ცოტა დააკლდა ლევან მჭედლიძეს, რომელმაც შოტლანდიის ნაკრებს გაუტანა (2:0) 17 წლისა და 207 დღის ასაკში. დღემდე ეს შედეგი მეორეა ევროპის ჩემპიონატების ისტორიაში.
მესამე ადგილზე ებრაელი ბენ საჰარია
ევროპის ჩემპიონატების ფინალურ ეტაპებზე კი ყველაზე ახალგაზრდა გოლის ავტორი იოჰან ფონლანტენია, რომელმაც შვეიცარია-საფრანგეთის მატჩში (1:3, ევრო 2004) 18 წლისა და 141 დღის ასაკში გაიტანა.
