"სამტრედიას" პრეზიდენტი azerisport-ს: შევხვდებით მოედანზე და მერე ვნახავთ

საფეხბუთო კლუბ "სამტრედიას" პრეზიდენტმა გია ომანაძემ აზერბაიჯანულ გამოცემა azerisport.com-ს ინტერვიუ მისცა, სადაც ჩემპიონთა ლიგის II საკვალიფიკაციო ეტაპზე აგდამის "ყარაბაღთან" მეტოქეობაზე ისაუბრა.

გია ცეცაძის გუნდი მეტოქეს 11 ივლისს სტუმრად დაუპირისპირდება, 18-ში კი თბილისში, "დინამო არენაზე" უმასპინძლებს.

- "სამტრედიას" ევროთასებზე ზედიზედ მეორე სეზონში ემუქრება აზერბაიჯანული გუნდისგან გავარდნა. გაგიცრუათ წილისყრამ იმედი?
- არა, ჩემპიონთა ლიგაში იოლი მეტოქეები არ არსებობენ. არ იქნებოდა აზერბაიჯანის ჩემპიონი, იქნებოდა სხვა ქვეყნის ჩემპიონატის გამარჯვებული. ასე რომ, არ აქვს მნიშვნელობა, ვისთან ვითამაშებთ.

- შარშან აღიარეთ, რომ კლუბის ბიუჯეტი მილიონ დოლარზე

მცირეა. ფინანსური მდგომარეობა დღეს როგორი გაქვთ?
- ყველაფერი სტაბილურადაა. ნელ-ნელა ვვითარდებით. ჯერ ვიცე-ჩემპიონები გავხდით, შემდეგ - ჩემპიონები.

- "ყარაბაღის" ბიუჯეტი რამდენჯერმე აღემატება თქვენსას...
- ეს არაა შფოთის მიზეზი. ვიღაცას ბევრი ფული აქვს, ვიღაცას - ცოტა. მოედანზე ვიბრძოლებთ (ეღიმება), რომ მერე არავინ თქვას, რადგან მცირე ბიუჯეტი აქვთ, თამაში არ იციანო.

- რა შანსი შეიძლება გქონდეთ იმის გათვალისწინებით, რომ მეტოქე კავკასიის აშკარად საუკეთესო გუნდი გყავთ?
- აი, შევხვდებით მოედანზე და მერე ვნახავთ. დიახ, თქვენი ჩემპიონი ძლიერია, მაგრამ ხელების ჩამოშვებას არ ვაპირებთ. მოედანზე გაჩვენებთ, რა შეგვიძლია.

- რამდენად შეიცვალა თქვენი გუნდი შარშანდელტა შედარებით, როდასც ევროპალიგაზე "სამტრედია" "გაბალასთან" 1:5 დამარცხდა.
- როგორც უკვე მოგახსენეთ, წლიდან წლამდე ვვითარდებით.

- დღეს ქართული ფეხბურთი საკმაოდ ჩამორჩა, როგორც სანაკრებო, ისე საკლუბო დონეზე. რატომ მოხდა ასე, წლების წინ ხომ ჩვენ თქვენგან ვიღებდით მაგალითს?
- სახელმწიფომ უკვე დაიწყო ფეხბურთის ფინანსური დახმარება. კლუბები ვითარდებიან. იზრდება ჩემპიონატის დონეც. თქვენ კი უფრო ადრე დაიწყეთ განვითარებაზე ზრუნვა და აი, დღეს უკვე შედეგს იმკით.

- საქართველოს სომხური დიასპორისი სიდიდის გათვალისწინებით, უნდა ველოდეთ თუ არა მათგან სტადიონზე პროვოკაციას?
- არა. "გაბალა" იყო ჩვენთან ჩამოსული, მაგრამ მსგავსი რამ არ მომხდარა.

- მაგრამ ამჯერად "ყარაბაღი" მოდის.
- ყველაფერს გავაკეთებთ შესაძლო პროვოკაციის თავიდან ასაცილებლად. ჩვენი მხარე ამას გაუმკლავდება.

- და თუკი იქნებიან მატჩზე სომხეთის დროშით მოსვლის მსურველები?
- პროვოკაციებს არ დავუშვებთ.

- თქვენი გულშემატკივრები აპირებენ ბაქოში ჩამოსვლას?
- ალბათ, კი, ოღონდ მცირე რაოდენობით.

ასევე იხილეთ:
- "ყარაბაღის" მწვრთნელსა და კაპიტანს თავები ექნებათ მოსაჭრელი, თუ "სამტრედიასთან" წააგებენ"
- ჩემპიონთა ლიგა 2017/18. I და II საკვალიფიკაციო ეტაპების წილისყრა
- კავკასიური დერბი - რა გუნდია "სამტრედიის" მეტოქე "ყარაბაღი"