ქუთაისის "ტორპედოსა" და ფოთის "კოლხეთის" ამხანაგური მატჩი, რომელიც ქუთათურთა საწვრთნელ ბაზაზე უნდა გამართულიყო, თოვლის სახით მოსული ნალექის გამო აღარ შედგა.გარდა ამისა, ცვლილებაა "ტორპედოს" ანტალიაში გასამართი ამხანაგური მატჩების განრიგში. ქართული კლუბის ოფიციალური ვებ-გვერდის ინფორმაციით, 26 იანვარს დონეცკის "მეტალურგთან" ჩასატარებელი მატჩის ნაცვალდ, გია გეგუჩაძის შეგირდები 25 იანვარს უნგრეთის უმაღლესი ლიგის ერთ-ერთ ყველაზე ტიტულოვან კლუბ "ფერენცვაროშს" დაუპირისპირდებიან.
