12 თებერვალს, ლანჩხუთის "გურიამ" მორიგი ტესტ-მატჩი გამართა - ურეკში ჩვენებურები სომხურ "ულისეს" 0:0 დაუზავდნენ. აღსანიშნავია ის ფაქტი, რომ უცხოელებმა ორივე ტაიმი სხვადასხვა შემადგენლობით ითამაშეს, თუმცა გურულთა წინააღმდეგობის დაძლევა ვერ მოახერხეს. გიგლა იმნაძის შეგირდებმა უკვე 7 ტესტ-მატჩი გამართეს და არც ერთში დამარცხებულან: 4 თამაში მოიგეს (გრიგოლეთში ფოთის "კოლხეთთან" - 2:0, ზუგდიდში "ბაიასთან" - 2:1, ოზურგეთსა და ურეკში "მერცხალთან" - 4:1 და 2:0) და 3 შეხვედრა დაასრულეს ფრედ - "ულისეს" გარდა ლანჩხუთელები ურეკში "მერცხალსა" და ბათუმის "დინამოს" დაუზავდნენ (ორივეჯერ 1:1).
რაც შეეხება
შეგახსენებთ, რომ "გურიამ" საუმაღლესლიგო პლეი-ოფში თამაშის უფლება ვადამდე გაინაღდა და კლუბის მიზანს ელიტლიგაში გადასვლა წარმოადგენს. სულ მალე დაიწყება "გურიის" სტადიონის სარეაბილიტაციო პროექტი, რის შესახებაც მორიგი განცხადება გასული კვირის ბოლოს უკვე გურიის გუბერნატორმა, ვალერი ჩიტაიშვილმა საგანგებო ბრიფინგზე გააკეთა.
მანამდე აღნიშნული ინიციატივით, ინფრასტრუქტურისა და რეგიონული განვითარების მინისტრი რამაზ ნიკოლაიშვილი გამოვიდა, რომელსაც თავის მხრივ, გურიის აღორძინების ფონდის ხელმძღვანელობა ქვეყნის პრეზიდენტმა მიხეილ სააკაშვილმა საჯაროდ დაავალა.
ყოველდღიური სპორტული გაზეთი "ლელო"
