ევროპელმა ბუკმეკერებმა და სპეციალისტებმა უეფას ევროთასების საკვალიფიკაციო ეტაპებზე რამდენიმე მატჩი საეჭვოდ მიიჩნიეს. სავარაუდო გარიგებულთა სიაში, სამწუხაროდ, საჩხერის "ჩიხურას" მატჩიც აღმოჩნდა, რომელიც სოსო ფრუიძის შეგირდებმა ლიხტენშტაინის "ვადუცთან" 11 ივლისს სტუმრად გამართეს.საერთოდ კი, ყველაზე დიდი ეჭვები ჩემპიონთა ლიგის მეორე საკვალიფიკაციო ეტაპზე ლატვიური "დაუგავასა" და შვედური "ელფსბორგის" შეხვედრამ დაბადა. აღნიშნულ მატჩში ბუკმეკერებმა კლიენტთა მოჭარბებული ფსონი თამაშში 6-ზე მეტი ბურთის გასვლაზე დააფიქსირეს.
მართლაც, ამ გუნდების პირველი მატჩი შვედების სასარგებლოდ, ანგარიშით 7:1 დასრულდა. არადა, პირველი ტაიმის შემდეგ ანგარიში სულაც 1:0 იყო.
აღნიშნულ ფაქტზე ლატვიური
ამავე კანტორამ დააფიქსირა უჩვეულოდ მაღალი ფსონები ევროთასებზე მოთამაშე მოლდოვას, ალბანეთის, უნგრეთისა და საქართველოს კლუბებზე. ჩამოთვლილთაგან განსაკუთრებულ ყურადღებას "დაჩია"-"ტეუატას" შეხვედრა იპყრობს. მაგალითად, იტალიური გაზეთის, Gazzetta dello Sport-ის ცნობით, ფსონების საკმაოდ დიდი წილი ამ შეხვედრის ზუსტ ანგარიშზე - 2:0-ზე მოდიოდა და სწორედ ეს ვერსია გამართლდა.
როგორც ზემოთაც მოგახსენეთ, საეჭვო გარიგებულ მატჩებად დასახელებულთა შორის მოხვდა "ვადუცი"-"ჩიხურას" თამაშიც - ამ შემთხვევაში არაბუნებრივად დიდი მოცულობის ფსონი გატანილი გოლების რაოდენობაზე (2,5-ზე ნაკლები) გაკეთებულა.
იხილეთ ვიდეო
პროგნოზი გამართლდა და აღნიშნული შეხვედრა ფრედ, 1:1 დასრულდა, თუმცა დიდი იმედი გვაქვს, ეს შედეგი წმინდა სპორტული ხასიათისაა და ევროპელ ბუკმეკერთა ეჭვები უსაფუძვლოა.
მომზადებულია gsp.ro-ს მიხედვით
ასევე იხილეთ:
ვადუცი-ჩიხურა 1:1 - სოსო ფრუიძე მართალს ამბობდა... [VIDEO]
ჩიხურა-ვადუცი 0:0 - ერთი დონის მეტოქეები
