თბილისის "დინამოს" საფეხბურთო აკადემიის 2001 წელს დაბადებულმა ბავშვებმა პირველი დიდი გამარჯვება მოიპოვეს. პატარა დინამოელები თურქეთის ქალაქ ანტალიაში ასაკობრივი ჩემპიონთა თასის ჯგუფურ ეტაპზე მონაწილეობდნენ. ტურნირს რუსული ნავთობკომპანია "ლუკოილი" აფინანსებს და შესაბამისად, ამ კომპანიის სახელობისაა მთავარი ტროფეიც.
სულიკო დავითაშვილის გაწვრთნილებმა დამაჯერებლად ითამაშეს და მეტოქეებს არანაირი შანსი არ დაუტოვეს - "გალათასარაი" 4:1, სოფიის "სლავია" 4:0, "ანტალიასფორი" 11:1, ბაქოს "ინტერი" - 5:0.
ამგვარად, პატარა დინამოელებმა "ლუკოილის თასის" გათამაშება პირველ ადგილზე დაასრულეს და გავიდნენ ასაკობრივი ჩემპიონთა თასის ფინალურ ეტაპზე, რომელიც ბულგარეთის დედაქალაქ სოფიაში გაიმართება.
ტურნირის
დინამოელები თურქეთში ამ შემადგენლობით იმყოფებოდნენ: ხარშილაძე, კვარაცხელია, მექვაბიშვილი, ჭავჭანიძე, ბოგვერაძე, მაღალდაძე, დავითაშვილი, მოისწრაფიშვილი, გაგუა, აზაროვი, თვალოძე, ქაჯაია, ქველაძე, ლომთაძე, გოდერძიშვილი.
ყოველდღიური სპორტული გაზეთი "ლელო"
