22 აგვისტოს გორის "დილამ" ევროპის ლიგის პლეი ოფის პირველი მატჩი სტუმრად ვენის "რაპიდთან" გამართა და ანგარიშით 0:1 დამარცხდა.შეხვედრის დასრულების შემდეგ გუნდების მწვრთნელებმა პრესკონფერენცია გამართეს.
გიორგი დევდარიანი (გორის "დილას" მთავარი მწვრთნელი):
- გორის "დილა" ხშირად კარგავდა ბურთს. რასთან იყო ეს დაკავშირებული?
- ეს ალბათ დაკავშირებულია ჩემს სტრატეგიულ შეცდომასთან. პირველ ტაიმში ვცდილობდით, რომ კონტრშეტევებზე გვეთამაშა. შეგნებულად დავთმეთ სათამაშო სივრცე და უფრო მეტად დაცვაზე ორიენტირებული ფეხბურთელები გამოვიყვანეთ მინდორზე, რათა კონტრშეტევებზე გვეხეირა.
ვერ გამოვიყენეთ ასპროცენტიანი მომენტი და მალევე მივიღეთ გოლი.
მეორე ტაიმში სხვა
- როგორ შეაფასებდით თქვენი გუნდის დღევანდელ გამოსვლას და თბილისში შანსები როგორია?
- შანსები ისევ 50/50-ზეა. გვქონდა მოლოდინი, რომ დღეს რთული თამაში იქნებოდა.
თბილისში გადაწყდება, ჩვენს შორის ვინ არის უძლიერესი. ჩვენ უგოლო ფრის შემთხვევაშიც გვექნებოდა გოლი გასატანი და ამ შემთხვევაშიც იმავე ამოცანის წინაშე ვდგავართ. თბილისში აბსოლუტურად სხვა ხასიათის თამაში იქნება.
ზორან ბარისიჩი (ვენის "რაპიდის" მთავარი მწვრთნელი):
- თამაშის შესახებ რას იტყოდით?
- მეტოქე დაცვაში ძალიან კარგად თამაშობდა და ყველა ზონას კეტავდა, მაგრამ ჩვენ ვაკონტროლებდით თამაშს და ბურთის ფლობაც ჩვენს მხარეს იყო.
მეორე ტაიმში ძალიან კარგი მომენტები გვქონდა, თუმცა არ გაგვიმართლა, რომ მეორე ბურთიც გაგვეტანა. ძალიან ბევრი ვიშრომეთ, თუმცა მომენტები მაინც ვერ გამოვიყენეთ.
დღეს აუცილებლად გვინდოდა მოგება და რაც მთავარია, გოლი არ მივიღეთ საკუთარ კარში. ერთ-ერთმა ფეხბურთელმა ტრავმა მიიღო, თუმცა მე მგონი, სერიოზული არაფერია.
- შეუძლია თუ არა გორის "დილას" შემტევი ფეხბურთის თამაში?
- როდესაც მათ სივრცე და დრო მივეცით, გამოჩნდა, რომ შეუძლიათ შეტევაში კარგად თამაშიც. ძალიან რთული დავალების შესრულება მოგვიწევს საქართველოში. მართალია, დღეს ჩვენ ვთამაშობდით შემტევ ფეხბურთს, თუმცა ისე გამოვიდა, რომ კონტრშეტევიდან გავიტანეთ ეს ერთადერთი გოლი.
- აშშ-ის ნაკრების ფეხბურთელზე რას გვეტყვით, როდის იქნება მზად?
- რა თქმა უნდა, ეს ფეხბურთელი ძალიან დაგვაკლდა, რომელსაც ოპერაცია უკეთდება, მაგრამ შეიძლება ის თბილისში გასამართი მატჩისთვის მზად იყოს.
- კარში შორიდან დარტყმები არ შედიოდა თქვენს გეგმებში?
- რა თქმა უნდა, შედიოდა და ვცდილობდით კიდეც, თუმცა არ გაგვიმართლა.
წყარო: fcdila.ge
