სადისციპლინო კომიტეტმა "საბურთალოს" "შევარდენი 1906"-თან წაგება ჩაუთვალა

AutoSharing Option
2017 წლის 18 მარტს სადისციპლინო და საფეხბურთო დავების განმხილველმა კომიტეტმა საგანგებო სხდომაზე, 2017 წლის 15 მარტს საქართველოს დავით ყიფიანის სახელობის თასის გათამაშების მეთექვსმეტედფინალურ ეტაპზე, "შევარდენი 1906"-სა და "საბურთალოს" შორის გამართული მატჩისას (2:1 საბურთალოს სასარგებლოდ), საქართველოს დავით ყიფიანის სახელობის თასის გათამაშების დებულების მე-9 მუხლის დარღვევაზე იმსჯელა.

- წილისყრამ საქართველოს თასის 1/8-ფინალში "სამტრედია" "ტორპედოს" შეახვედრა

კომიტეტმა წარმოდგენილი დოკუმენტაციის შესწავლის შედეგად, დაადგინა, რომ "საბურთალოს" მხრიდან ადგილი ჰქონდა საქართველოს დავით ყიფიანის სახელობის თასის გათამაშების დებულების მე-9 მუხლის დარღვევას. კერძოდ, ს/კ "საბურთალოს" მხრიდან მატჩში მონაწილეობა
მიიღო დასაშვებზე მეტმა ფარმ-გუნდში რეგისტრირებულმა ფეხბურთელმა.

სადისციპლინო და დავების განმხილველი კომიტეტის გადაწყვეტილებით, აღნიშნულ მატჩში "საბურთალოს" ჩაეთვალა წაგება, ანგარიშით 0:3, ამასთან "საბურთალოს" დაეკისრა ჯარიმა 1000 (ათასი) ლარის ოდენობით.

საქართველოს დავით ყიფიანის სახელობის თასის მერვედფინალურ ეტაპზე კი "შევარდენი 1906" "გურიას" დაუპირისპირდება. საქართველოს დავით ყიფიანის სახელობის თასის დებულების შესაბამისად, აღნიშნულ მატჩს "შევარდენი 1906" უმასპინძლებს.

წყარო: gff.ge
მკითხველის კომენტარები / 0 /
კომენტარი ჯერ არ გაკეთებულა.

სიახლეები პოპულარული