ლა ლიგა. ტრანსფერები: კიდევ ერთი ლიონელი არგენტინიდან

"ლელო", ივნისიდან ყოველ ათ დღეში ერთხელ გთავაზობთ ესპანური ტრანსფერების მიმოხილვას და გვინდა აღვნიშნოთ, რომ ასეთი უინტერესო დეკადა ჯერ არ ყოფილა. შესაბამისად, სალაპარაკოც ბევრი არაფერია. ყველა, ასე თუ ისე, ხმაურიანი ტრანსფერი ესპანეთიდან ფეხბურთელთა გადინებას უკავშირდება (რაულ ალბიოლი, გონსალო იგუაინი).

ამ მხრივ კევინ გამეიროს ტრანსფერი "პარი სენ-ჟერმენიდან" "სევილიაში" 10 მილიონ ევროდ, გამონაკლისია.

ლისაბონის ნაცვლად ბარსელონაში
თუმცა კევინ გამეიროს ანდალუსიურ ამბებზე უკვე მოგითხრეთ და აღარ შევჩერდებით.

საინტერესო ოპერაცია განახორციელა ლისაბონის "ბენფიკამ", რომელმაც მადრიდის "ატლეტიკოდან" 6 მილიონ ევროდ შეიძინა პიცი და შემდეგ ის "ესპანიოლში" გაანათხოვრა. პიცი 23 წლის ტანდაბალი პორტუგალიელი ფორვარდია, რომელმაც "ატლეტიკოში" მხოლოდ მაშინ ითამაშა, როცა ამ გუნდს არ ეკუთვნოდა ("ბრაგადან" იჯარით იყო) და როცა მადრიდული კლუბის სრულუფლებიანი წევრი გახდა, "დეპორტივოში" გაანათხოვრეს. მართლაც საოცრად აეწყო მისი კარიერა, პიცი 4 სეზონი "ბრაგას" ფეხბურთელად ითვლებოდა და სულ 2 მატჩი გამართა ამ გუნდის მაისურით, ძირითადად კი სხვადასხვა გუნდში იყო განათხოვრებული (მათ შორის, "ატლეტიკოში), ახლაც "ბენფიკას" წევრს ამ სეზონში ლისაბონის ნაცვლად თამაში ბარსელონაში მოუწევს.

შეგახსენებთ, რომ ბოლო სეზონში მან "დეპორტივოს" მაისურით 8 გოლის გატანა შეძლო. "ესპანიოლში" პიცისთან ერთად 24 წლის ბრაზილიელი სიდნეი და სილვა ჟუნიორიც მიაყოლეს, ისიც იჯარით.

საინტერესო მცველი არგენტინიდან
მართალია, უფულო "რაიო ვალეკანოს" მასში ცენტიც არ გადაუხდია, მაგრამ, ვფიქრობთ, ეს ტრანსფერი ყურადღებას იმსახურებს - "ელვებმა" არგენტინული "ინდეპენდიენტეს" 21 წლის მცველი ლიონელ გალეანო გაიფორმეს. გალეანოს არგენტინის ნაკრებში 1 მატჩი აქვს ჩატარებული. მან 4-წლიანი კონტრაქტი გააფორმა მადრიდულ კლუბთან. ახალგაზრდა მცველი აკადამიური თამაშით და გოლის გატანის ალღოთი გამოირჩევა და ვფიქრობთ, "ელვებისთვის" მშვენიერი შენაძენია.

პოლონელი "მალაგაში"
"მალაგა" შეტევის გაძლიერებას ცდილობს, ამ მიზნით ბერნდ შუსტერის გუნდმა პოლონელი ფორვარდი ბარტლომიეი პავლოვსკი დაიმატა, რომელიც ლოძის "ვიძევში" თამაშობს. პოლონელი იჯარით ითამაშებს ანდალუზიაში, თუმცა სეზონის ბოლოს "მალაგას" მისი გამოსყიდვის უფლება ექნება. 20 წლის ფორვარდი უკვე წარუდგა "ლა როსალედას" პუბლიკას. პავლოვსკი "მალაგას" მე-5 ახალწვეულია. დაცვის ხაზში შუსტერმა პორტუგალიელი ფლავიო ფერეირა და არგენტინელი მარკოს ანგელერი დაიმატა, შუახაზში კი ივუარელი ბობლი ანდერსონი და არგენტინელი ფერნანდო ტისონე. ამ ჩამონათვლის მიხედვით ვერ ვიტყვით, რომ "მალაგა" გაძლიერდა.

თარ. ფეხბურთელი საიდან სად თანხა
21 ივლ რაულ ალბიოლი რეალი ნაპოლი 12 მლნ.
21 ივლ ედუ კამპაბადალი უიგანი კორდობა თ.ა.
22 ივლ საულ ნიგესი ატლეტიკო ვალეკანო იჯარა
22 ივლ ხონა გრანადა ხაენი იჯარა
22 ივლ ხორდი ფიგერასი ბრიუგე ბეტისი 0,3 მლნ.
22 ივლ ხოსე ანხელ ნუნიესი ლიბერტადი ოსასუნა იჯარა
22 ივლ იკეჩი ანია გრანადა უოტფორდი თ.ა.
22 ივლ პელაიო ნოვო ელჩე კორდობა იჯარა
22 ივლ რუდი სერკლი დეპორტივო თ.ა.
23 ივლ ალბერტო ბოტია სევილია ელჩე იჯარა
23 ივლ იური ბერჩიჩე სოსიედადი ეიბარი იჯარა
23 ივლ ალაინ ეიზმენდი სოსიედადი ეიბარი იჯარა
23 ივლ დომინგო სისმა ატლეტიკო ელჩე თ.ა.
23 ივლ რუბენ მარტინესი მალაგა ვალეკანო თ.ა.
23 ივლ ბორხა გომესი გრანადა ერკულესი იჯარა
23 ივლ ხუანმა ორტისი გრანადა ერკულესი იჯარა
23 ივლ ექტორ იუსტე გრანადა ერკულესი იჯარა
23 ივლ დავიდ ფერეირო გრანადა ერკულესი იჯარა
23 ივლ სერხიო ასენხო ატლეტიკო ვილიარეალი იჯარა
24 ივლ ჟულიო ბაპტიშტა მალაგა კრუზეირო თ.ა.
24 ივლ მარკოს ანგელერი ესტუდიანტესი მალაგა თ.ა.
25 ივლ კევინ გამეირო პსჟ სევილია 10 მლნ.
25 ივლ დანი ერნანდესი ვალიადოლიდი ასტერასი იჯარა
25 ივლ ედუ ბედია ერკულესი ბარსელონა II თ.ა.
25 ივლ ბრაიან როდრიგესი უაჩიპატო ბეტისი 1 მლნ.
25 ივლ დიდაკ ვილა მილანი ბეტისი იჯარა
25 ივლ კრისტიან სეპუნარუ სარაგოსა ელჩე თ.ა.
26 ივლ ფერნანდო გაგო ვალენსია ბოკა ხუნიორსი თ.ა.
26 ივლ ვინჩენცო რენელია ბეტისი ლუგო იჯარა
26 ივლ რობერტო ხიმენესი სარაგოსა ატლეტიკო თ.ა.
26 ივლ რობერტო ხიმენესი ატლეტიკო ოლიმპიაკოსი იჯარა
26 ივლ პიცი ატლეტიკო ბენფიკა 6 მლნ.
27 ივლ გონსალო იგუაინი რეალი ნაპოლი 37 მლნ.
27 ივლ ხაიმე რომერო უდინეზე რეალი II იჯარა
29 ივლ ხერარდ ბორდესი ვილიარეალი ჟირონა თ.ა.
29 ივლ პიცი ბენფიკა ესპანიოლი იჯარა
29 ივლ სიდნეი ბენფიკა ესპანიოლი იჯარა
29 ივლ დანი გუისა ხეტაფე სერო პორტ. თ.ა.
30 ივლ მანოლო ლუსენა გრანადა მირანდესი თ.ა.
30 ივლ ხოსე მორალესი ლევანტე ეიბარი იჯარა
30 ივლ კოფი რომარიკი სარაგოსა ბასტია თ.ა.
30 ივლ მავრუდის ბუგაიდისი გრანადა ერკულესი იჯარა
30 ივლ ოსტერის კარნეზისი უდინეზე გრანადა იჯარა
30 ივლ ბარტლომიეი პავლოვსკი ვიძევი მალაგა იჯარა
31 ივლ მიკელ აბაროა ეიბარი სოსიედადი თ.ა.
31 ივლ მიკელ აბაროა სოსიედადი უნიონი იჯარა
31 ივლ ხოტა პელეტეირო სელტა ეიბარი იჯარა
31 ივლ ლიონელ გალეანო ინდეპენდიენტე ვალეკანო თ.ა.
31 ივლ კარლოს კალვო ალმერია ქსანთი თ.ა.
31 ივლ ნელსონი პალერმო ალმერია იჯარა

შენიშვნა: თარ. - თარიღი, როცა ტრანსფერი გადაწყდა

ყოველდღიური სპორტული გაზეთი "ლელო"

ასევე იხილეთ:
ლა ლიგა. ტრანსფერები: ბასკი "რეალის" შესანიშნავ შვიდეულში