თუკი 1998 წლის მსოფლიოს ჩემპიონატიდან გულშემატკივარს რომელიმე მოვლენა მკვეთრ ფერებში ახსოვს, ერთ-ერთი მაიკლ ოუენის თამაში უნდა იყოს. მაშინ 18 წლის ინგლისელმა ბიჭუნამ მთელი მსოფლიო გააკვირვა ასაკისთვის შეუფერებლად დაღვინებული თამაშით. 1/8-ფინალურ შეხვედრაში არგენტინის ნაკრებთან მაიკლის გოლი ულამაზესი სანახავი იყო. ყველა ფიქრობდა, რომ კუნძულელები მისგან დიად ფეხბურთელს გამოთლიდნენ, თუმცა ამ ოცნებას ახდენა არ ეწერა. "ლივერპულის" შემადგენლობაში თინეიჯერმა ვარსკვლავმა ზედიზედ 80 თამაში ჩაატარა შეუცვლელად და გადაიწვა. ამხელა დატვირთვამ მას ჯანმრთელობა შეურყია, რააც რამდენიმე წლის შემდეგ იჩინა თავი. 2004 წელს მერსისაიდიდან წასვლის შემდეგ მან
"სიამაყით მინდა გაუწყოთ, რომ სეზონის დასრულებისთანავე პროფესიულ კარიერას ვწყვეტ. მიმაჩნია, რომ ამ ნაბიჯის გადასადგმელად ყველაზე უფრო შესაფერისი დროა. მინდა, პირველ რიგში მადლობა ვუთხრა ჩემს ოჯახს, განსაკუთრებით ჩემს ლამაზ მეუღლე ლუიზს მისი უსაზღვრო სიყვარულისთვის კარიერის ყოველ ეტაპზე, იქნებოდა ეს აღმაფრენისა თუ დაღმასვლის წლები. მას მადლობას ვეუბნები ჩემს ცხოვრებაში ყველაზე ლამაზი საჩუქრებისთვის – ჩვენი შვილებისთვის. გამიმართლა, რომ ჩემმა კარიერამ ისეთი დაუვიწყარი თავგადასავლები მაჩუქა, რომელზეც ზოგიერთებს მხოლოდ ოცნება შეუძლიათ. ყოველივე შეუძლებელი იქნებოდა ჩემი მწვრთნელების, თანაგუნდელების, გულშემატკივრებისა და ჩემი პირადი სპონსორების გარეშე. მადლობა ყველას, ვინც დამეხმარეთ წარმატების მიღწევაში".
აქვე გეტყვით, რომ 33 წლის ფეხბურთელს ჰყავს მეუღლე ლუიზ ბონსალი, ვინც ჯერ კიდევ სკოლის პერიოდიდან უყვარს და ოთხი შვილი – ჯემა როუზი, ჯეიმს მაიკლი, ემილი მეი და ჯესიკა. რაც შეეხება კარიერას: ოუენს უთამაშია "ლივერპულში" (1996/2004), "რეალში" (2004/05), "ნიუკასლში" (2005/09), "მანჩესტერ იუნაიტედსა" (2009/12) და "სტოკ სიტიში" (2012/13). საკლუბო კარიერაში ჩატარებულ 480 შეხვედრაში მის ანგარიშზე 222 გოლია, ინგლისის ნაკრებში კი მან 89 მატჩში 40-ჯერ გამოიჩინა თავი. უკანასკნელად "სამი ლომის" შემადგენლობაში მან 2008 წლის 26 მარტს ითამაშა საფრანგეთის წინააღმდეგ (1:0).
ყოველდღიური სპორტული გაზეთი "ლელო"
ასევე იხილეთ:
მაიკლ ოუენი შესაძლოა ინგლისის ფეხბურთის ფედერაციამ დასაჯოს [VIDEO]
