პრემიერლიგა. XXXV ტურის ფაქტები და სტატისტიკა: შანსების შემქმნელი

* რიად მაჰრეზი პრემიერლიგის ფეხბურთელებს შორის, თანაგუნდელ ჯეიმი ვარდისთან ერთად, ყველაზე მეტ გოლში ფიგურირებს. ალჟირელმა 17-ჯერ გაიტანა და 11 საგოლე პასი გააკეთა. ვარდიმ 22-ჯერ შეაგდო და 6-ჯერ ასისტენტად მოგვევლინა.

* "ლესტერმა" ჩემპიონატში 22 გამარჯვება იზეიმა. უმაღლეს ლიგაში გუნდს ამდენჯერ არასდროს უმარჯვია. 21-21 მოგება "მელიებს" 1928/29 და 1965/66 წლების სეზონში ჰქონდათ.

* ლეონარდო ულოას ბოლო 2 მატჩში 3 გოლი აქვს გატანილი. ზუსტად ამდენი ჰქონდა წინა 25 შეხვედრაშიც.

* მხოლოდ სტიდ მალბრანკი შეცვლილა პრემიერლიგის ერთ სეზონში უფრო მეტჯერ (29-ჯერ, 2009/10), ვიდრე შინჯი ოკაზაკი (23) ამ სეზონში.

* შეი გივენი გახდა მე-14 ფეხბურთელი პრემიერლიგის ისტორიაში, რომელმაც პრემიერლიგის მატჩი 40 წლის ან უფრო უფროს ასაკში დაიწყო (40 წლის და 3 დღის).

* სერხიო აგუეროს პრემიერლიგაში ჩატარებულ უკანასკნელ 21 მატჩში 22 გოლი აქვს გატანილი.

* კუნმა ზედიზედ 5 ტურში პრემიერლიგაში უკვე მეოთხედ გაიტანა. ის ბოლო 4 წელია, ერთხელ მაინც ახერხებს ამის გაკეთებას: 2013 წლის ნოემბერი; 2014 წლის იანვარი და 2015 წლის მაისი.

* მესუთ იოზილმა მიმდინარე სეზონში 137 საგოლე შანსი შექმნა. ასეთი შედეგი პრემიერლიგაში 2003/04 წლების სეზონის მერე არც ერთს ფეხბურთელს არ ჰქონია, იქამდე კი მსგავს სტატისტიკას არ ითვლიდნენ.

* ოლივიე ჟირუს უკვე 14 ტურია, აღარ გაუტანია. ინგლისის ჩემპიონატში ფრანგს ამხელა პაუზა აქამდე არ ჰქონია.

* "ნიუკასლს" "ენფილდზე" 21 მატჩია, 1994 წლის მერე არ მოუგია.

* დანიელ სტარიჯს პრემიერლიგაში ჯორდების წინააღმდეგ ჩატარებულ 7 მატჩში 7 გოლი აქვს გატანილი.

* "საუთჰემპტონს" 14 ბურთი აქვს თავური დარტყმებით გატანილი, რაც ჩემპიონატში საუკეთესო შედეგია.

* "ჩელსიმ" "ალუბლებს" ზუსტად 4-ჯერ დაურტყა და 4-ჯერვე გაუტანა.

* 2014 წლის თებერვლის მერე ედენ აზარმა მატჩში ერთ გოლზე მეტი პირველად გაიტანა. პრემიერლიგაში მას 29 თამაშის განმავლობაში არ ჰქონდა გატანილი.

* პედროს უკანასკნელ 7 პრემიერლიგურ შეხვედრაში 5 გოლი აქვს გატანილი, როდესაც წინა 19-ში სულ 2 ჰქონდა.

ყოველდღიური სპორტული გაზეთი "ლელო"