ლონდონის "ჩელსიმ" "ნაპოლის" მცველის კალიდუ კულიბალის სანაცვლოდ 70 მლნ ევრო შესთავაზა. ამის შესახებ The Telegraph-ი იუწყება.თუკი გარიგება შედგება, ის რეკორდული იქნება ლონდონური კლუბის ისტორიაში.
"ჩელსის", რომელიც დაცვის ხაზის გაძლიერებას ეშურება, 25 წლის სენეგალელი დიდი ხანია პრიორიტეტულ სატრანსფერო სამიზნეთა სიაში ჰყავს შეყვანილი. სავარაუდოდ, ინგლისელთა სურვილს წინ არ აღუდგება "ნაპოლი", მით უმეტეს, რომ თავად ფეხბურთელმა იტალიურ კლუბთან 2019 წლამდე გათვლილი კონტრაქტის გახანგრძლივებაზე უარი თქვა.
ამ დრომდე "ჩელსისთვის" სარეკორდოდ ძვირი ფერნანდო ტორესის ტრანსფერია. 2011 წელს ესპანელ ფეხბურთელში ლონდონელებმა 58,5 მლნ ევრო გადაიხადეს.
