"ინტერი" ერთ-ერთი პირველი იყო სერია A-ს გუნდებიდან, რომელმაც ახალი სეზონისთვის მზადება დაიწყო. მილანური გრანდი სატრანსფერო ბაზარზე არ აქტიურობს და არც ვალტერ მაცარი მალავს, რომ არსებული რესურსით მოუწევს ფონს გასვლა. ამიტომ ექსპერტთა დიდი ნაწილი "ნერაძურის" მორიგ ფიასკოს უწინასწარმეტყველებს და ეს მიუხედავად იმისა, რომ ზოგადად მაცარიზე დიდი ავანსებია გაცემული. "გაძეტა დელო სპორტთან" ჯერ მაცარიმ შეაფასა მოსამზადებელი ციკლის პირველი ეტაპი, შემდეგ კი გუნდის ერთ-ერთმა საუკეთესო ფეხბურთელმა, 27 წლის ფრედი გუარინმა. თუმცა, მზადების პროცესის შეფასებაზე მეტად, მათ ოპტიმისტური განცხადებები აკეთეს...
ვალტერ მაცარი
ფეხბურთელები მონდომებულნი
ბევრი ფიქრობს, რომ "ინტერს" საკადრო პრობლემები აქვს, მაგრამ მე ასე არ მიმაჩნია... რა თქმა უნდა, უფრო ვარსკვლავური შემადგენლობაც შეიძლებოდა გვყოლოდა, მაგრამ მთლიანობაში, საწუწუნო არაფერი მაქვს. ამ "ინტერს" შეუძლია უმაღლესი მიზნებისთვის ბრძოლა და ამაში მალე დარწმუნდებით. რაც მთავარია, კლუბის მესვეურებს აქვთ სწორი მიდგომა და ისინი დღესვე არ ითხოვენ მწვერვალების დაპყრობას - ეს კიდევ უფრო გვაახლოებს დიდ გამარჯვებებთან.
ფრედი გუარინი
ვალტერ მაცარიმ სასიამოვნოდ გამაოცა, რადგან თითოეულ ვარჯიშში უდიდეს ენერგიას ხარჯავს. უკვე დაატყო გუნდს ხელი და დარწმუნებული ვარ, ერთად დიდ წარმატებებს მივაღწევთ. ამპლუა რამდენჯერმე შემიცვალა, რაც ჩემთვის სრულიად მისაღებია. იქ ვითამაშებ, სადაც მწვრთნელი დამავალებს.
შეუძლია თუ არა ამ "ინტერს" სკუდეტოსთვის ბრძოლა? - ვალტერ მაცარის არც "ნაპოლიში" ჰყავდა მეგავარსკვლავები, მაგრამ გუნდი უმაღლესი მიზნებისთვის აბრძოლა. დარწმუნებული ვარ, რესურსს ბოლომდე გამოიყენებს და არავისზე ნაკლები გუნდი არ გვეყოლება. მოკლედ, ჩემი განწყობა ოპტიმისტურია.
ყოველდღიური სპორტული გაზეთი "ლელო"
ასევე იხილეთ:
ვალტერ მაცარის სია
![ჩემპიონთა ლიგა. III ტური: მესის დუბლი, მბაპეს გოლი და გაცუდებული პენალტი და გრიზმანის სახელობის დრამა მადრიდში [VIDEO]](/pictures/image7/8a920071041e6841a4efd258e977d417.jpeg "ჩემპიონთა ლიგა. III ტური: მესის დუბლი, მბაპეს გოლი და გაცუდებული პენალტი და გრიზმანის სახელობის დრამა მადრიდში [VIDEO]")
