ალესანდრო დელ პიერო უკვე 40 წლისაა და მიუხედავად ამისა, ახალი გუნდის ძიებაშია. ამასთან, არ მალავს, რომ სამომავლოდ მწვრთნელობას აპირებს და შესაძლოა, ახალ საქმეს იმაზე უფრო ადრე მოჰკიდოს ხელი, ვიდრე ეს ბევრს წარმოუდგენია:"თავისუფალი აგენტი ვარ და ჯერ კიდევ მაქვს თამაშის სურვილი. რამდენიმე წინადადება მივიღე ევროპული კლუბებიდან, მაგრამ სიმართლე გითხრათ, არ აღვფრთოვანდი. დიდი იმედი მაქვს, რომ საინტერესო შეთავაზებას მივიღებ და კიდევ ერთი წელი ბუცებს ლურსმანზე არ ჩამოვკიდებ.
წინააღმდეგ შემთხვევაში, კარიერას დავასრულებ და სამწვრთნელო კარიერას მივყოფ ხელს. თუმცა, ჯერ ბავშვთა გუნდს მინდა
მაქვს კონკრეტული შეთავაზება და თან, ძალიან მაცდური. მოკლედ, მწვრთნელობა გადაწყვეტილი მაქვს, მაგრამ იქამდე კიდევ ერთი წელი ფეხბურთის თამაში მინდა".
შეგახსენებთ, რომ ალესანდრო დელ პიერო ბოლოს ინდური გუნდის, "დელი დინამოსის" ღირსებას იცავდა, იქამდე კი ავსტრალიურ "სიდნეიში" ასპარეზობდა.
თუ სად მოიხვეჭა სახელი და რომელ გუნდში გაატარა დელ პიერომ კარიერის უდიდესი ნაწილი, შეხსენება არ უნდა გჭირდებოდეთ...
ყოველდღიური სპორტული გაზეთი "ლელო"
