ერთწლიანი განშორების შემდეგ გორან პანდევი იტალიურ ფეხბურთს დაუბრუნდა და კარიერას "ჯენოაში" გააგრძელებს. 31 წლის მაკედონიელმა შემტევმა ბოლო სეზონი "გალათასარაიში" გაატარა, 17 შეხვედრაში მიიღო მონაწილეობა და 7 გოლი შეაგდო. იქამდე გორანი სწორედ სერია A-ს კლუბებში ასპარეზობდა და თანაც, მრავალი წლის განმავლობაში. ორი წელი ითამაშა "ინტერის" შემადგენლობაში, სამი წელი იცავდა "ნაპოლის" ღირსებას, მთელი ხუთი წელი იყო "ლაციოში", სადაც 159 მატჩი აქვს ჩატარებული და 48 გოლი გატანილი. მოკლედ, პანდევი იტალიაში შინაურია და ამაზე თვითონაც საუბრობს:
"თურქეთში გატარებული დრო ყოველთვის კარგად გამახსენდება, რადგან იქ
როდესაც "ჯენოასგან" შემოთავაზება მივიღე, არც კი დავფიქრებულვარ და მყისვე მივიღე გადაწყვეტილება.
გენუაში ამბიციური გეგმები აქვთ, კარგი შემადგენლობაა და ერთი სული მაქვს, თუ როდის დაიწყება ახალი სეზონი. ყველაფერს გავაკეთებ, რომ ძირითად შემადგენლობაში დავიმკვიდრო ადგილი".
(იბეჭდება მცირე ცვლილებით)
ყოველდღიური სპორტული გაზეთი "ლელო"
