აშშ-ში მიმდინარე კოპა ამერიკის 2016 წლის გათამაშებაში პირველი ტურის ბოლო მატჩები D ჯგუფშიც გაიმართა. ჩვენი დროით 7 ივნისს, გამთენიისას, არგენტინის ნაკრებმა ჩილე ანგარიშით 2:1 დაამარცხა. ჯგუფის მეორე შეხვედრაში კი ამავე ანგარიშით პანამის ნაკრებმა ბოლივიას სძლია.სანტა-კლარაში, სტადიონ "ლევაისზე" გამართულ არგენტინა-ჩილეს შეხვედრაში ყველა გოლი მეორე ტაიმში გავიდა. 51-ე წუთზე კლაუდიო ბრავოს კარი, ევერ ბანეგას პასის შემდეგ ანხელ დი მარიამ დალაშქრა. 8 წუთის შემდეგ დი მარიამ და ბანეგამ როლები გაცვალეს და არგენტინა ორბურთიანი უპირატესობით დაწინაურდა. ჩილეს ნაკრებმა მხოლოდ კომპენსირებულ დროში ხოსე ფუენსალიდას
აღსანიშნავია, რომ შეხვედრას სათადარიგოთა სკამიდან ადევნა თვალი არგენტინელთა უმთავრესმა ვარსკვლავმა ლიონელ მესიმ.
იხილეთ ვიდეო
ორლანდოში, "სიტრუს ბოულზე" გამართულ D ჯგუფის მეორე მატჩში პანამამ ბოლივიას ბლას პერესის დუბლით (მე-11, 87-ე წუთები) აჯობა. ბოლივიელთაგან ერთადერთი გოლით ხუან არსემ 54-ე წუთზე გაიტანა.მეორე ტურში ერთმანეთს ჯგუფის ლიდერები, არგენტინა და პანამა დაუპირისპირდებიან, ჩილე კი - ბოლივიას. მატჩები 11 ივნისს ჩატარდება.
![მესის საგოლე პასი და ლაუტარო მარტინესის ულამაზესი გოლი პერუსთან [VIDEO]](/pictures/image7/25c06cac30defd4149f49eb371b8b6cb.jpg "მესის საგოლე პასი და ლაუტარო მარტინესის ულამაზესი გოლი პერუსთან [VIDEO]")
![ლობჟანიძის გუნდის უდიდესი სენსაცია - "ატლანტამ" ლიონელ მესის მაიამის "ინტერი" პლეი-ოფიდან გამოთიშა [VIDEO]](/pictures/image7/a581ca8bbae97f197cb41508a299498a.jpg "ლობჟანიძის გუნდის უდიდესი სენსაცია - \"ატლანტამ\" ლიონელ მესის მაიამის \"ინტერი\" პლეი-ოფიდან გამოთიშა [VIDEO]")
