"ჰიურიეთის" ინფორმაციით, "ბარსელონას" ნახევარმცველ არდა თურანს თურქ ჟურნალისტთან ინციდენტი მოუვიდა. თურქეთის ნაკრები სკოპიედან იტალიაში მიფრინავდა, საიდანაც სლოვენიაში უნდა გამგზავრებულიყო, სადაც გუნდი კოსოვოსთან საკვალიფიკაციო მატჩისთვის უნდა მოემზადოს. არდა თურანს შეკამათება მოუვიდა "მილიეთის" ჟურნალისტ ბილალ მესესთან. ფეხბურთელმა ჟურნალისტს შეურაცხყოფა მიაყენა და მას ყელში სწვდა. ჩხუბში ფეხბურთელები ჩაერივნენ და დაპირისპირებული მხარეები გააშველეს. კოსოვოსთან თურქეთის ნაკრებს 11 ივნისს ელის დაპირისპირება.
არდა კოსოვოსთან აღარ ითამაშებს, რადგან გუნდიდან მოკვეთეს.
"ბარსელონას" 30 წლის ვარსკვლავის პასუხი კიდევ უფრო მწვავე იყო - მან თურქეთის ნაკრებში სამომავლოდ თამაშზეც უარი განაცხადა:
არადა, არდას 100 კეპამდე სულ რაღაც 4 თამაში აკლდა...
დაპირისპირების მიზეზი ვეტერანი ჟურნალისტის წერილი ყოფილა, რომლის თანახმადაც, ფეხბურთელები ევრო 2016-ზე უფრო დიდ ბონუსებს ითხოვდნენ. არდამ ჟურნალისტს კატეგორიულად მოსთხოვა, დაესახელებინა პირი, ვინც შეუკვეთა ეს სტატია. სხვათა შორის, "მილიეთის" მფლობელი ილდირიმ დემირორენი ამავე დროს თურქეთის ფეხბურთის ფედერაციის პრეზიდენტია...
ყოველდღიური სპორტული გაზეთი "ლელო"
