მოსკოვის ცსკა-ს შვედი ნახევარმცველი პონტუს ვერნბლუმი აცხადებს, რომ მისი მიზანი რუსული გუნდის მაისურით 100 ყვითელი ბარათის მიღებაა.ვერნბლუმი ცსკა-ში 2012 წლიდან თამაშობს. 187 შეხვედრაში მან უკვე 80 ყვითელი ბარათის მიღება მოასწრო. ამ საკითხზე საუბრისას, 31 წლის შვედი შემდეგს აცხადებს:
"შევეცდები, საიუბილეო, მე-100 ყვითელი ბარათი მივიღო, მაგრამ მწვრთნელს არ უყვარს, როცა მაფრთხილებენ. როდესაც ეს მოხდება, სერიოზულად აღვნიშნავ".
