მადრიდის "რეალის" ფეხბურთელი კრიშტიანო რონალდო გულშემატკივრებმა პორტუგალიის ისტორიაში საუკეთესო ფეხბურთელად აღიარეს.გამოკითხვა პორტუგალიის ფეხბურთის ფედერაციის 100 წლისთავის ღონისძიების ფარგლებში გაიმართა და გულშემატკივრებს ხმის მიცემა ინტერნეტში შეეძლოთ.
თავად რონალდო ცერემონიას ვერ დაესწრო, რადგან მადრიდის "ატლეტიკოსთან" ესპანეთის თასის 1/8-ფინალური მატჩისთვის ემზადება.
ფეხბურთელის სახელით, ჯილდო მისმა აგენტმა ჟორჟე მენდეშმა მიიღო.
"როგორც პორტუგალიელი, ვამაყობ, რომ ჩვენს ქვეყანას ჰყავს ასეთი ფეხბურთელი. საუბარია ისტორიაში საუკეთესო სპორტსმენზე", - თქვა მენდეშმა.
მომზადებულია Marca-ს მიხედვით
![დაუვიწყარი მატჩი "ბერნაბეუზე" - "რეალმა" თასიდან "სოსიედადი" გამოაგდო [VIDEO]](/pictures/image7/13b449af539547690d047cadf631360c.jpg "დაუვიწყარი მატჩი \"ბერნაბეუზე\" - \"რეალმა\" თასიდან \"სოსიედადი\" გამოაგდო [VIDEO]")
