13:28 როგორც ჩანს, სერხიო რამოსისა და დავიდ დე ხეას გაცვლა არ შედგება, "რეალი" უარზეა.13:36 პორტუგალიური "რეკორდი" წერს, რომ "სპორტინგი" მოსკოვის "დინამოსგან" დუგლასს 2 მილიონ ევროდ იყიდის. თუმცა მოსალაპარაკებელია პირადი კონტრაქტის დეტალები - მცველი წელიწადში 1,7 მილიონ ევროს ითხოვს და ზედ მილიონს, რომ გადასვლას დათანხმდეს. ეს კი "სპორტინგს" ებევრება.
13:43 ტურინის "იუვენტუსის" ყოფილი ფეხბურთელი სანდეი ოლისე ნიგერიის ნაკრების მთავარი მწვრთნელი გახდა.
13:49 დამიენ დაფი ოფიციალურად გახდა "შემროკ როვერსის" ფეხბურთელი. ის მთელ ხელფასს ქველმოქმედებას მოახმარს.
13:
14:03 "ტელეგრაფის" ცნობით, "ლივერპული" "ასტონ ვილას" კრისტიან ბენტეკეს ყიდვას ეშურება, ბირმინგელები მასში 32,5 მილიონ გირვანქას ითხოვენ.
14:10 ჟურნალისტი სკოტ უილსონი "თვითერზე" წერს, რომ ნიკო ლომბერტსის ტრანსფერი "სანდერლენდში" ჩაიშალა. ბელგიელმა ვერ გაიარა სამედიცინო შემოწმება.
14:17 იორდი კლასის ტრანსფერი "საუთჰემპტონში" შემდგარია. De Telegraaf-ი წერს, რომ "წმინდანები" "ფეიენოორდს" 13,5 მილიონ ევროს გადაუხდიან. თავად ფეხბურთელი კი 4-წლიან კონტრაქტს გააფორმებს, მისი ხელფასი 2,5 მილიონი ევრო იქნება.
14:42 პედროსთვის ბრძოლაში "ლივერპულიც" ჩაერთო.
14:49 ჯერმეინ ლენსმა კიევის "დინამო" დატოვა და ინგლისში ჩაფრინდა "სანდერლენდთან" კონტრაქტის გასაფორმებლად.
14:55 TASS-ის ინფორმაციით, ფაბიო კაპელომ 2017 და 2018 წლების ხელფასზე უარი თქვა და 6 მილიონი ევროს კომპენსაციით დაკმაყოფილდა.
15:01 ლომბერტსმა უარყო, თითქოს, ჩააგდო სამედიცინო შემოწმება "სანდერლენდში", - "თავად ვთქვი უარი ამ ტრანსფერზე", - განუცხადა მან ბელგიურ მედიას.
15:17 "გონსალო იგუაინი "ნაპოლიში" რჩება, ეს ნაღდია, ყველა დანარჩენი ჭორია", - განაცხადა აურელიო დე ლაურენტისმა.
15:23 სანამ "ლივერპული" ფიქრობს, Daily Mail-ის ცნობით, "მანჩესტერ იუნაიტედი" მზადაა, ბენტეკეს სანაცვლოდ 32,5 მილიონი ევრო გადაიხადოს.
15:31 "სქაი სპორტსის" თქმით, "ბაიერნს", ფორვარდ რობერტ ლევანდოვსკის სანაცვლოდ, "მანჩესტერ იუნაიტედი" 35 მილიონ გირვანქას სთავაზობს.
15:35 "იუვენტუსმა" სამი ხედირას პრეზენტაცია მოაწყო.
15:40 "მარკას" ინფორმაციით, "რეალს" სერხიო რომერო აინტერესებს. არგენტინელმა მეკარემ მას მერე შეაჩერა მოლაპარაკება "რომასთან", რაც მადრიდიდან დაურეკეს.
15:50 დორტმუნდის "ბორუსიას" არ სურს მეკარე რომან ვაიდენფელერის გაშვება.
15:55 ყველასთვის მოულოდნელად, "რივერ პლეიტის" 35 წლის ვარსკვლავმა პაბლო აიმარმა ფეხბურთს თავი დაანება. მიზეზი ქრონიკული ტრავმაა.
16:02 "ბარსელონა" ისევ მზადაა, პოლ პოგბა იყიდოს, მიუხედავად იმისა, რომ "იუვენტუსი" მას 80 მილიონ ევროდ არ ყიდის. "მე არ ვფიქრობ სხვა კლუბების ფეხბურთელებზე, მაგრამ პოგბა ჩვენ მართლა გვაინტერესებს", - ასეთი უცნაური იყო "ბარსას" თავკაც ლუის ენრიკეს კომენტარი.
16:32 "ვალენსიას" მცველი შკოდრან მუსტაფი "რეალს" აინტერესებს.
17:04 ტანკრედი პალმერი წერს "თვითერზე", რომ "ლივერპული" ჩილელ გარი მედელს ეკონტაქტება.
17:18 "ბილდმა" გვაუწყა, რომ მემფის დეპაისთვის ბრძოლაში "მანჩესტერს" "ბაიერნისთვის" მოუგია.
17:32 "ფრანს ფუტბოლი" ამტკიცებს, რომ "მანჩესტერ სიტი" "მონაკოს" ფაბინიოს სანაცვლოდ 25 მილიონ ევროს იხდის.
17:40 მაქსი პერეირამ ოფიციალურად გამოიცვალა ერთი პორტუგალიური გრანდი მეორით - "ბენფიკადან" "პორტუში" გადავიდა.
17:55 "ბილბაომ" ახალი წინადადებით მიმართა "არსენალს", ნაჩო მონრეალში 10 მილიონ ევროს იძლევა.
18:09 იმ შემთხვევაში, თუ ედინ ჯეკოს "სიტი" "რომაში" გაყიდის, ბოსნიელი მანჩესტერულ კლუბს, კომპენსაციის სახით, 3 მილიონ ფუნტს მოსთხოვს.
18:15 ოფიციალურია - "ვალენსიამ" "ბრაგადან" იჯარით 19 წლის ნახევარმცველი დანილუ ბარბოზა აიყვანა.
18:21 RTBF წერს, რომ აქსელ ვიტსელის ტრანსფერის განხორციელებისთვის რომან აბრამოვიჩი პირადად ჩავა სანკტ-პეტერბურგში.
18:28 "ვესტ ჰემს" ხავიერ ერნანდესის შეძენა სურს.
19:05 რუსული მედიის ინფორმაციით, რუსეთის ნაკრების მწვრთნელობის მთავარი კანდიდატი სტანისლავ ჩერჩესოვია.
19:50 La Gazzetta Dello Sport: "რომა" "ბარსელონას" ხავიერ მასკერანოს სანაცვლოდ 15 მილიონ ევროს სთავაზობს, თავად არგენტინელი კი 4 წელიწადში 14 მილიონ ევროს მიიღებს.
20:13 ალბერტო აკვილანი ამერიკაში მიდის სათამაშოდ. მან 2-წლიანი კონტრაქტი "მონრეალ იმპაქტთან" გააფორმა.
20:20 "ვალენსია" ნიკოლას ოტამენდის შემცვლელს ეძებს. არგენტინელს აღარ სურს "ვალენსიაში" თამაში.
20:36 "მაინცმა" გამოაცხადა, რომ საბერძნეთის ნაკრების მეკარე სტეფანოს კაპინო "ოლიმპიაკოსში" გადავიდა. უფრო რეალური ხდება გიორგი ლორიას ტრანსფერი "ტრაბზონში".
20:58 სტეფან სავიჩი "მანჩესტერ იუნაიტედს" აინტერესებს.
ყოველდღიური სპორტული გაზეთი "ლელო"
