13:40 თითქმის გადაწყდა მატიო ვალბუენას ტრანსფერი "ლიონში". კლუბის პრეზიდენტმა L'Equipe-თან ინტერვიუში განაცხადა, რომ მოელაპარაკა ფეხბურთელის ტრანსფერზე მოსკოვის "დინამოს".13:54 მორიგი ინფორმაცია დავიდ დე ხეას შესახებ. Daily Mail-ის ცნობით, "მანჩესტერ იუნაიტედი" არ აპირებს მეკარის 35 მილიონ გირვანქაზე დაბალ ფასში გაყიდვას, "რეალი" კი ჯერჯერობით 25 მილიონს გამოდის.
14:09 ისევ "მანჩესტერ იუნაიტედი". Marca ამტკიცებს, რომ ინგლისელები თანახმანი არიან, "ბარსელონას" 30 მილიონი ევრო გადაუხადონ პედროს სანაცვლოდ.
14:23 ამბობენ, რომ თუ ქარიმ ბენზემა "არსენალში" გადავა, ლონდონური კლუბის ყველაზე მაღალანაზღაურებადი ფეხბურთელი გახდება. ჯერჯერობით, ყველაზე მეტს მესუთ
15:04 დომენიკო კრიშიტოს ძალიან უნდა მილანის "ინტერში". Corriere dello Sport-ი ამტკიცებს, რომ მცველი თანახმაა ხელფასის შემცირებაზე. "ზენიტი" არ აპირებს 15 მილიონზე ნაკლებ ფასად ფეხბურთელის გაშვებას.
15:15 ანტონიო კასანო ოფიციალურად გახდა "სამპდორიის" მოთამაშე. კონტრაქტი ორი წელი იქნება ძალაში. ფორვარდი წელიწადში 700 ათას ევროს მიიღებს.
15:37 "ვოლფსბურგის" მთავარმა მწვრთნელმა დიტერ ჰეკინგმა კლუბთან 2018 წლის ზაფხულამდე გააგრძელა კონტრაქტი.
15:45 ბენზემა სამედიცინო შემოწმებას გადის "არსენალში" - ამას ამტკიცებს ESPN-ის ვენესუელელი ტელეწამყვანი ჯეინი ლიზარაზუ.
15:54 პერუელი ნახევარმცველი ხუან მანუელ ვარგასი ახლოსაა "ბეტისში" გადასვლასთან. ესპანელებს ფეხბურთელი უფასოდ ერგებათ, რადგან ვარგასს ამ ზაფხულს ამოეწურა კონტრაქტი "ფიორენტინასთან". "ბეტისთან" ხელშეკრულება ორწლიანი იქნება.
16:17 "მანჩესტერ სიტიმ" "რეალს" 70 მილიონი შესთავაზა ბენზემაში.
16:33 უფრო დაწვრილებით ბენზემას შესახებ. ჟურნალისტი ტანკრედი პალმიერი წერს, რომ "მანჩესტერ სიტიმ" ჯერ კიდევ სამი დღის წინ მიმართა "რეალს" ოფიციალური წინადადებით - 70 მილიონი ევრო ფრანგის სანაცვლოდ. იტყობინებიან, რომ მადრიდელებს ჯერ ვერ გაურკვევიათ, ვის მიჰყიდონ ფორვარდი - "არსენალს" თუ "მანჩესტერ სიტის".
16:42 პალმიერი აზუსტებს: 9 აგვისტოს მდგომარეობით, "არსენალსა" და "რეალს" შორის უკვე სამი კვირაა არ ყოფილა კონტაქტი ბენზემასთან დაკავშირებით. გარდა ამისა, "არსენალს" ჯერ არ გაუგზავნია "რეალისთვის" არც ერთი ოფიციალური წინადადება.
17:05 Daily Star Sunday ამტკიცებს, რომ "ვესტ ჰემმა" 12 მილიონი გირვანქა შესთავაზა "მანჩესტერ იუნაიტედს" ფორვარდ ხავიერ ერნანდესში.
17:14 თუ "მანჩესტერ იუნაიტედი" შეიძენს პედროს, ამ შემთხვევაში იანუზაის გაუშვებს "სანდერლენდში". ლაპარაკია იჯარაზე, - ამტკიცებს ESPN.
17:25 The Sun On Sunday იტყობინება, რომ სერხიო რამოსსა და "რეალს" არც ისე კარგად მისდით საქმეები. მხარეებმა ჯერ ვერ მოილაპარაკეს ახალ კონტრაქტზე. ასე რომ, "მანჩესტერ იუნაიტედს" ჯერ ისევ შეუძლია მცველისთვის ბრძოლაში ჩართვა. რამოსის მოქმედი კონტრაქტი "რეალთან" 2016 წლის ზაფხულამდეა ძალაში.
17:49 ლისაბონის "სპორტინგმა", შესაძლოა, დაკარგოს თავისი მთავარი ფორვარდი სლიმანი. The Sunday Times-ი ამტკიცებს, რომ "ვესტ ჰემი" მზად არის თავდამსხმელში 10.5 მილიონი გირვანქა გადაიხადოს.
18:24 ნახევარმცველი აარონ ლენონი ახლოსაა "ასტონ ვილაში" გადასვლასთან, მაგრამ საქმეში ჩაერთო "ევერტონი". Daily Mirror-ი ირწმუნება, რომ ლენონმა, შესაძლოა, უარი უთხრას ბირმინგემულ კლუბს "ევერტონში" დაბრუნების სანაცვლოდ.
18:55 "ევერტონი" და "დორტმუნდი" იბრძვიან "ინტერის" ნახევარმცველის, სერდან შაჩირის ხელში ჩასაგდებად, მაგრამ შვეიცარიელი შეამჩნიეს "სტოკ სიტის" სტადიონზე. როგორც ჩანს, შაჩირი სწორედ იქ დარჩება.
19:09 "მანჩესტერ სიტი" განაგრძობს სატრანსფერო ბაზრის აფორიაქებას. თავდაპირველად, 70 მილიონი შესთავაზეს ბენზემაში, ახლა 45 მილიონ გირვანქას გამოდიან კევინ დე ბრუინისთვის! წინა შეთავაზება 40 მილიონს უდრიდა.
19:20 "მილანისა" და "რომას" ბოსები შეხვდებიან ერთმანეთს, რათა კიდევ ერთხელ განიხილონ ალესიო რომანიოლის ტრანსფერი. პირველ ჯერზე, კლუბებმა ვერ მოილაპარაკეს მცველის თაობაზე. Football Italia იტყობინება, რომ მილანელებმა უკვე ყველაფერი შეათანხმეს ფეხბურთელთან და მხოლოდ "რომასთან" მოლაპარაკება სჭირდებათ.
19:45 "რომამ", შესაძლოა, ორმხრივი შეთანხმების საფუძველზე გაწყვიტოს კონტრაქტები განაპირა მცველებთან - მაიკონთან და ეშლი კოულთან. Sport Mediaset-ი წერს, რომ ამ ფეხბურთელებზე მოთხოვნაა MLS-ის კლუბებისგან.
20:07 "სევილიამ", შესაძლოა, შეიძინოს "სუონსის" თავდამსხმელი მიჩუ, - წერს Estadio Deportivo. ბოლო სეზონი ფორვარდმა ჩააგდო "ნაპოლიში" და ახლა "სუონსი" ეძებს ესპანელის გასაღების გზებს.
20:21 როგორც Metro წერს, "ტოტენჰემი" ამზადებს წინადადებას "ბეტისისთვის" ნახევარმცველ ალვარო ვადილიოს თაობაზე.
20:33 იმავე Metro-ს წინადადებით, "არსენალის" დამრიგებელმა არსენ ვენგერმა თვალი დაადგა ახალგაზრდა ლუკას სილვას. ზამთრიდან მოყოლებული, ბრაზილიელი მადრიდის "რეალში" ირიცხება.
20:47 ზინედინ ზიდანი, იურგენ კლოპი, ერიკ გერეტსი - პრეტენდენტები არიან "მარსელის" მთავარი მწვრთნელის პოსტზე. ამის შესახებ წერს ავტორიტეტული გამოცემა L’Equipe-ი.
20:56 კიდევ ერთი ინფორმაცია ინგლისური გამოცემა Metro-სგან: ამ ზაფხულს "ლივერპულის" მეშვიდე ახალწვეული შეიძლება გახდეს ადამა ტრაორე "ბარსელონადან".
ყოველდღიური სპორტული გაზეთი "ლელო"
