საქართველოს 16-წლამდელთა ნაკრები ევროპის ჩემპიონატისთვის მზადებას განაგრძობს. მორიგი საკონტროლო მატჩების გასამართად გია კაზანჯიანის გაწვრთნილი გუნდი ჰოლანდიაში გაემგზავრა, საიდანაც ბელგიაში გადავა და საერთაშორისო ტურნირში მიიღებს მონაწილეობას.
16-წლამდელთა ნაკრები 29 და 30 ივლისს ქალაქ ვირტში ჰოლანდიის ნაკრებთან 2 საკონტროლო მატჩს გამართავს. მეორე დღეს ქართველები ბელგიაში გაემგზავრებიან, სადაც ქალაქ ლიეჟის საერთაშორისო ტურნირში ითამაშებენ. საქართველოსა და ბელგიასთან ერთად ლიეჟის ტურნირში მონაწილეობას შვეიცარიისა და პორტუგალიის ნაკრებებიც მიიღებენ.
შეგახსენებთ, რომ საქართველოს 16-წლამდელთა ნაკრებმა აქამდე 4 მოსამზადებელი მატჩი გამართა. 13 და 14 ივლისს ქართველებმა ტალინში ესტონეთის ნაკრებთან
ლიეჟის საერთაშორისო ტურნირზე გამოსვლით საქართველოს 16-წლამდელთა ნაკრები მოსამზადებელ ეტაპს დაასრულებს და 7 აგვისტოს ევროპის ჩემპიონატზე საასპარეზოდ ბოსნიაში გაემართება. B დივიზიონის "დ" ჯგუფში ქართველები ავსტრიასთან, ბელარუსთან, ჩეხეთთან, ლუქსემბურგთან და უნგრეთთან ითამაშებენ.
gbf.ge
