4 ივლისს სპორტისა და ახალგაზრდობის საქმეთა სამინისტროს საპრესკონფერენციო დარბაზში კალათბურთის ფედერაციის ხელმძღვანელობამ პრესკონფერენცია გამართა და საქართველოს ნაკრებში მომხდარ სიახლეებზე ისაუბრა. ჟურნალისტების შეკითხვებს კალათბურთის ფედერაციის პრეზიდენტმა ბესიკ ლიპარტელიანმა, ნაკრების მწვრთნელებმა: დავით უსტიაშვილმა და კოტე ტუღუშმა უპასუხეს.
დავით უსტიაშვილი (საქართველოს ნაკრების ერთ-ერთი მწვრთნელი):
"ნატურალიზებული მოთამაშის შერჩევამ დიდი დრო და ენერგია წაიღო - ამ საქმეს კიდევ უფრო დიდი ყურადღება ზაზა ფაჩულიას ტრავმის გამო დაეთმო.
ფაჩულია ნაკრებისთვის რამხელა დანაკლისია, ყველამ იცის და ამაზე ლაპარაკიც არ ღირს, თუმცა ჩვენ ბოლომდე ბრძოლას ვაპირებთ.
მოსამზადებელი გეგმა შედგენილია,
სულ 11 თამაშის ჩატარება მოგვიწევს. ეს შეხვედრები მაქსიმალურად ნაყოფიერად უნდა გამოვიყენოთ - უნდა გადაწყდეს, თუ ორი ნატურალიზებული მოთამაშიდან რომელი დარჩება ეროვნულ გუნდში და რაც მთავარია, ნაკრები ევროპირველობას ფორმის პიკში უნდა შეხვდეს".
msy.gov.ge
ასევე იხილეთ:
საქართველოს ნაკრებში ნატურალიზებული კალათბურთელების ვინაობა ცნობილია
ბესიკ ლიპარტელიანი: რიკი ჰიკმანი ნაკრებს სარგებელს აუცილებლად მოუტანს
კოტე ტუღუში: ლაშა გამყრელიძე ნაკრების მონახაზში ამ ეტაპზე არ ჯდება
