საქართველოს საკალათბურთო ნაკრებისა და "ბრუკლინ ნეთსის" ფორვარდმა თორნიკე შენგელიამ ამერიკული კემპის დროს მუხლის ტრავმა მიიღო და ამის გამო ეროვნულ გუნდს სლოვენიურ შეკრებაზე ვერ შეუერთდება. რაც ყველაზე ცუდია, შენგელიას თამაში ევროპის ჩემპიონატზეც საეჭვოა.
თორნიკეს მდგომარეობაზე საქართველოს ნაკრების ერთ-ერთმა მწვრთნელმა, დავით უსტიაშვილმა ისაუბრა:
"თორნიკე შენგელია ნაკრებს სლოვენიაში ვერ შეუერთდება. მას მუხლი ასტკივდა და "ბრუკლინის" ექიმების და მწვრთნელების მეთვალყურეობის ქვეშ იმყოფება.
თორნიკეს მუხლში წყალი ჩაუდგა, რომელიც ორლანდოს კემპის დაწყებამდე ამოუღეს და მან თამაშებში მონაწილეობა მიიღო. მატჩების დროს ის მუხლმა შეაწუხა და კემპის დასრულების
სიტუაცია მარტივადაა - თუკი ტკივილი შეაწუხებს, ოპერაციას გაუკეთებენ. თუ 3-4 დღის ვარჯიშების შემდეგ მუხლი ნორმალურად ექნება, ქირურგიულ ჩარევას გადარჩება და ნაკრებს სლოვენიაში შეუერთდება.
ვნახოთ, 3-4 დღე დალოდება მოგვიწევს. თუ ოპერაცია გაიკეთა, სავარაუდოდ, ევროპის ჩემპიონატზე ვერ დაგვეხმარება".
gbf.ge
![შენგელიას 17 ქულა "პანათინაიკოსთან" "ვირტუსი" ფავორიტთან ბოლო წუთებზე დამარცხდა [VIDEO]](/pictures/image7/4c6d6a1f4963611f07c11dc3d4c1444f.jpg "შენგელიას 17 ქულა \"პანათინაიკოსთან\" \"ვირტუსი\" ფავორიტთან ბოლო წუთებზე დამარცხდა [VIDEO]")
