17 აგვისტოს, საფრანგეთის წინააღმდეგ რიკი ჰიკმანიც ითამაშებს. საქართველოს ეროვნული ნაკრების ნატურალიზებულმა წევრმა ტრავმა ბოსნიასთან, 14 აგვისტოს მატჩში მიიღო და იმ შეხვედრის მეორე ტაიმი ხომ გამოტოვა, 16 აგვისტოს არც სერბეთთან უთამაშია."რიკი ჰიკმანი დღეს, საფრანგეთთან მატჩის განაცხადში იქნება, თუმცა რამდენ ხანს გაატარებს მოედანზე, ეს თავად მის მდგომარეობაზე იქნება დამოკიდებული.
თუკი ფეხმა არ შეაწუხა, მეტს ითამაშებს", - გვითხრა იგორ კოკოშკოვის ასისტენტმა, კოტე ტუღუშმა, ანტიბში რომ შევეხმიანეთ.
სერბეთთან 16 აგვისტოს გამართულ მატჩში 32 წუთი ითამაშა მანუჩარ მარკოიშვილმა, რომელმაც ფეხის ტრავმის გამო ბოსნიასთან ერთი
"მანუჩარს ფეხი ბოლოდე მწყობრში არ აქვს. გუშინდელ თამაშში მას ტრავმა აწუხებდა, თუმცა ბოლომდე მოედანზე დარჩა და გამარჯვების მოპოვებაში დიდი წვლილი შეიტანა.
მისი ტრავმა საშიში არაა, თორემ, რა თქმა უნდა, არ ვათამაშებდით", - დასძინა ტუღუშმა.
შეგახსენებთ, რომ ანტიბის ტურნირზე ბოლო მატჩს საქართველო 17 აგვისტოს, თბილისის დროით 22:30 საათზე მასპინძელი საფრანგეთის წინააღმდეგ გამართავს.
gbf.ge
ასევე იხილეთ:
საქართველო-სერბეთი 75:71 - ასეთი ტიტულოვანი მეტოქე ჯერ არ დაგვიმარცხებია!
![საქართველოს ნაკრები მსოფლიოს ვიცე-ჩემპიონთან დამარცხდა[VIDEO]](/pictures/image7/58a3ae5c56fe2e21a5977fafa22c10ff.jpg "საქართველოს ნაკრები მსოფლიოს ვიცე-ჩემპიონთან დამარცხდა[VIDEO]")
